Galatianys 2:14 - An Bibel Kernewek 20234 (Kernewek Kemmyn)

¹⁴ Mes pan gonvedhis vy na gerdhens i yn ewnhynsek herwydh gwiryonedh an aweyl, my a leveris dhe Kefas a-dheragdha yn kettep penn, ‘Mar pewydh jy, ha ty Yedhow, yn maner an Jentilys ha ny vewydh yn maner an Yedhewon prag y konstrynydh jy an Jentilys a vewa kepar dell vens i Yedhewon?’

Galatianys 2:14 ပူးပေါင်းရင်းမြစ်များ

Salmow 141:5

Gwres den gwiryon ow gweskel, gwres den len ow rebukya. Na as dhe oyl an tebelwas untya ow fenn, rag ow fysadow a vydh prest erbynn aga drogoberow.

Salmow 15:2

Neb a gerdh heb namm, ha gul ewnder, ha kewsel gwirder yn y golonn;

Salmow 58:1

A leverowgh hwi gwirvreus yn hwir? A vreusowgh yn ewnder, hwi vebyon den?

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Lavarow Koth 10:9

Neb a gerdh yn tivlam a gerdh yn sawder, mes neb a siw hynsyow kamm a vydh diskudhys.

Lavarow Koth 2:7

ev a with kusul len rag an re ewnhynsek; ev yw skoes dhe'n re hag a gerdh yn tivlam,

Levitikus 19:17

Ny berthydh kas y'th kolonn erbynn dha vroder. Ty a rebuk dha gentrevek yn sur, ma na dhykki pegh a'y wovis.

Oberow 10:28

ha leverel dhedha, ‘Dell gonvedhowgh, erbynn lagha yw rag Yedhow kowethya gans estren po dos nes dhodho; mes Duw re dhiskudhas dhymm na dhegoedh dhymm gelwel denvyth kemmyn nag avlan;

Oberow 15:1

Mes niver a wer a dheuth yn-nans dhiworth Yudi ha dyski dhe'n vreder, ‘Marnas hwi a vo trodreghys war-lergh usadow Moyses, ny yllowgh bos selwys.’

Oberow 15:24

A-ban glewsyn tus dhe dhos yn-mes ahanan dh'agas trobla gans geryow hag a ankresyas agas brys, heb agan awtorita,

Oberow 15:5

Mes re a sekt an Fariseow, neb re gryssa, a sevis yn-rag, ow leverel, ‘Y telledh ni dh'aga throdreghi hag erghi dhedha gwitha lagha Moyses.’

Romanyon 14:14

My a woer ha gwrys sur ov gans an Arloedh Yesu, nag yw travyth kemmyn dredho y honan, mes gans an den a dyb y vos kemmyn, kemmyn yw.

Galatianys 1:18

Ena wosa teyr blydhen yth yskynnis bys yn Yerusalem dhe omgusulya gans Kefas, ha triga ganso pymthek dydh,

Galatianys 1:6

Marth a'm beus drefenn hwi dhe gildenna mar uskis a-dhiworto ev neb a'gas gelwis yn gras Krist war-tu ha ken aweyl,

Galatianys 2:3

Byttegyns Titus devri, esa genev, hag ev Grek, ny veu ev konstrynys na hwath a vos trodreghys;

Galatianys 2:5

ny omblegsyn ni toch vyth dhedha yn gostytter, may halla gwiryonedh an aweyl pesya ragowgh.

Galatianys 2:7

mes y'n kontrari parth hag i ow konvedhes bos an aweyl a antrodreghyans kemmynnys dhymm kepar dell veu an aweyl a drodreghyans dhe Peder,

Galatianys 2:9

hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Galatianys 6:12

An re a vynn gul omdhiskwedhyans teg y'n kig a'gas konstryn dhe vos trodreghys, unnsel ma na vons i helghys rag krows Krist.

Kolossianys 1:5

drefenn an govenek yw gwithys ragowgh y'n nevow, a glewsowgh kyns yn ger an gwir, an aweyl,

1 Timothi 5:20

An re a begh, gwra aga heredhi a-dherag pub den oll may portho an re erell own.

Ebrowyon 12:13

ha gwrewgh hynsyow kompes dh'agas treys, ma na vo treylys dhe-ves an pyth yw evredhek, mes kynsa bos yaghhes.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.