Galatianys 1:6 - An Bibel Kernewek 20234 (Kernewek Kemmyn)

⁶ Marth a'm beus drefenn hwi dhe gildenna mar uskis a-dhiworto ev neb a'gas gelwis yn gras Krist war-tu ha ken aweyl,

Galatianys 1:6 ပူးပေါင်းရင်းမြစ်များ

Salmow 106:13

Hware yth ankovsons y wriansow; ny wortsons y gusul.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Mark 6:6

Ha marth o ganso drefenn aga diskryjyans. Hag yth esa ow mos a-dro y'n trevow, ow tyski.

Yowann 9:30

An den a worthybis ha leverel dhedha, ‘Yma tra varthys yn hemma, na wodhowgh a by le'ma; mes ev a igoras ow dewlagas.

Oberow 15:11

Mes dre ras an Arloedh Yesu ni a grys agan bos selwys y'n keth vaner ha'n re na ynwedh.’

Romanyon 10:3

Rag heb godhvos a ewnder Duw, hag ow hwilas sevel aga ewnder aga honan, nyns ens gostydh dhe ewnder Duw.

Romanyon 5:2

ma'gan beus dredho entra dre fydh dhe'n gras may sevyn ynno ha ni a vost yn agan govenek may kevrennyn golewder Duw.

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

Romanyon 8:30

Ha'n re a ragdhestnas, ev a's elwis ynwedh; ha'n re a elwis, ev a's justifias ynwedh; ha'n re a justifias, ev a's glorifias ynwedh.

1 Korinthianys 4:15

Rag kyn fo dhywgh deg mil a dhyskadoryon yn Krist, nyns eus dhywgh nameur a dasow; yn tevri my a dheuth ha bos agas tas yn Krist der an aweyl.

2 Korinthianys 11:4

Rag yn tevri mar teu nebonan dhe bregoth Yesu arall neb na bregewthsyn ni, po mar tegemmerowgh ken spyrys ages an spyrys a dhegemmersowgh, po ken aweyl ages an aweyl a ressevsowgh, fest yn ta y'n godhevowgh.

2 Korinthianys 2:17

Rag nyns on ni gwikoryon a er Duw, kepar ha lies; mes dell ve a lenduri, yn hwir dell ve dhiworth Duw, ha dherag Duw, ni a gews yn Krist.

Galatianys 1:11

Rag my a vynn hwi dhe wodhvos, an aweyl pregewthys genev – nyns yw hi war-lergh mab-den

Galatianys 1:15

Byttegyns pan vynnas Duw, neb a'm dibarthas a-dhia vrys ow mamm ha'm gelwel der y ras,

Galatianys 1:7

– mes nyns eus aweyl arall, marnas yma tus neb a wra agas ankombra hag ow mynnes dihevelebi aweyl Krist;

Galatianys 2:14

Mes pan gonvedhis vy na gerdhens i yn ewnhynsek herwydh gwiryonedh an aweyl, my a leveris dhe Kefas a-dheragdha yn kettep penn, ‘Mar pewydh jy, ha ty Yedhow, yn maner an Jentilys ha ny vewydh yn maner an Yedhewon prag y konstrynydh jy an Jentilys a vewa kepar dell vens i Yedhewon?’

Galatianys 2:2

my a yskynnas dre dhiskwedhyans ha gorra a-dheragdha an aweyl a bregowthav yn mysk an Jentilys, yn priva dhe dus a vri, ma na vien ow poenya po na wrussen poenya war neb kor yn euver.

Galatianys 2:5

ny omblegsyn ni toch vyth dhedha yn gostytter, may halla gwiryonedh an aweyl pesya ragowgh.

Galatianys 2:7

mes y'n kontrari parth hag i ow konvedhes bos an aweyl a antrodreghyans kemmynnys dhymm kepar dell veu an aweyl a drodreghyans dhe Peder,

Galatianys 5:14

Rag oll an lagha yw kollenwys yn unn lavar: ‘Kar dha gentrevek kepar dell omgerydh dha honan.’

Galatianys 5:4

Hwi yw diberthys dhiworth Krist, hwi neb yw justifiys der an lagha, koedhys dhiworth gras.

2 Thessalonianys 2:14

Dhe hemma ev a'gas gelwis ynwedh der agan aweyl dhe gavoes splannder agan Arloedh Yesu Krist.

1 Timothi 1:14

Ha gras agan Arloedh a wrug palshe gans fydh, ha'n kerensa usi yn Krist Yesu.

1 Timothi 1:3

Dell y'th pysis ha my ow mos dhe Makedonia, gwra gortos yn Efesus mayth erghi dhe sertan re na rollons ken dyskas,

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

2 Timothi 2:1

Ty, ow flogh, bydh nerthek gans y'n gras usi yn Krist Yesu;

1 Peder 1:15

mes kepar dell yw sans neb a'gas gelwis, bedhewgh hwi sans ynwedh yn agas fara oll;

2 Peder 1:3

Galloes Duw re ros dhyn pup-tra kevrennys gans bewnans ha sansoleth, der aswonnvos a neb a'gan gelwis dh'y splannder ev ha'y vertu.

Diskwedhyans 22:21

Gras an Arloedh Yesu re bo gans pub den oll.