Galatianys 1:4 - An Bibel Kernewek 20234 (Kernewek Kemmyn)

⁴ a omros y honan rag agan peghosow rag ma'gan deliffra mes a'n bys, drog dell yw y'n eur ma, herwydh bodh agan Duw ha Tas,

Galatianys 1:4 ပူးပေါင်းရင်းမြစ်များ

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Ysay 65:17

Rag awottavy ow kreatya nevow nowydh ha nor nowydh; ny vydh kovhes an kynsa, nag entra y'n brys.

Matthew 13:22

Ha'n dra hesys yn mysk spern, ev yw neb a glew an ger, mes fienasow an bys ha dynyans rychys a dag an ger hag ev ny dheg frut.

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

Matthew 26:42

Arta an nessa gweyth ev a omdennas ha pysi, ow leverel, ‘Ow Thas, mar ny yll hemma tremena heb my dh'y eva, dha vodh re bo gwrys.’

Matthew 6:9

‘Yn kettellma ytho, gwrewgh pysi: Agan Tas ni eus y'n nevow, sanshes re bo dha hanow;

Mark 10:45

rag Mab an den ny dheuth may halla bos servys, mes rag servya, ha dhe ri y vewnans yn daspren rag lies.’

Luk 22:19

Ena ev a gemmeras bara, hag a rassas ha'y derri ha'y ri dhedha, ow leverel, ‘Hemm yw ow horf yw res a-barth dhywgh; gwrewgh hemma yn kovadh ahanav vy.’

Luk 22:42

ow leverel, ‘A Das, mars yw dha volonjedh, dog an hanaf ma dhiworthiv; saw na vedhes gwrys ow bodh evy, mes dha vodh tejy.’

Yowann 10:11

‘My yw an bugel da. An bugel da a dhaskorr y vewnans rag y dheves.

Yowann 12:31

Lemmyn yth yw breus an bys ma, lemmyn y fydh pryns an bys ma tewlys yn-mes.

Yowann 5:30

‘Ny allav vy ow honan gul travyth; kepar dell glewav y hwrav vy breusi, ha'm breus yw ewn, rag ny hwilav ow bolonjedh ow honan, mes bolonjedh ev neb a'm dannvonas.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Romanyon 1:7

Dhe'n re oll usi yn Rom, kerys gans Duw, gelwys dhe vos syns: Gras dhywgh hwi ha kres a Dhuw agan Tas ha'n Arloedh Yesu Krist.

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Romanyon 4:25

neb a veu res dhe'n mernans drefenn agan drogoberow ha drehevys rag may fen ni kevys ewn.

Romanyon 8:27

Hag ev neb usi ow hwithra kolonnow a woer an pyth usi yn brys an Spyrys, rag ev dhe bysi a-barth an syns herwydh bodh Duw.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

1 Korinthianys 15:3

Rag my a ystynnas dhywgh yn kynsa an pyth a dhegemmeris vy ynwedh, Krist dhe verwel rag agan peghosow herwydh an skryptors,

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Galatianys 6:14

Bynner re bo bostyans dhymmo vy, saw yn krows agan Arloedh Yesu Krist, ha dredhi an bys ma krowsys dhymm ha my dhe'n bys.

Efesianys 1:11

ni ynwedh a veu dewisys, ragdhestnys war-lergh y borpos ev neb a gowlwra pup-tra orth bodh y vrys,

Efesianys 2:2

may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

Efesianys 5:16

ow kul devnydh a'n termyn, rag bos an dydhyow drog.

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Efesianys 6:12

rag nyns yw agan kas erbynn goes ha kig, mes erbynn prynsipatys, erbynn potestatys, erbynn rewloryon an bys tewl ma, erbynn luyow spyrysel a dhroktra y'n tylleryow nevek.

Filippianys 4:20

Lemmyn dh'agan Duw ha'gan Tas re bo gordhyans trank heb worfenn. Amen.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

1 Thessalonianys 3:11

Lemmyn agan Duw ha Tas y honan, ha'gan Arloedh Yesu re'gan gittyo yn agan fordh dhywgh hwi,

1 Thessalonianys 3:13

dhe fastya agas kolonn divlam yn sansoleth a-dherag agan Duw ha Tas orth devedhyans agan Arloedh Yesu Krist gans y syns oll.

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,

1 Timothi 2:6

neb a omros yn daspren rag pub den oll, an dustuni degys y'n termyn gwiw.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 2:5

Rag ny veu yn-dann eledh y hworras Duw an bys dhe dhos, hag anodho dell gewsyn.

Ebrowyon 6:5

ha re dastyas dader ger Duw ha gwriansow nerthek a'n oes dhe dhos,

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Yowann 2:2

Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.

1 Yowann 3:16

Dredhi ni a wel kerensa, drefenn ev dhe hepkorr y vewnans ragon: ha ni a dal hepkorr agan bewnans rag an brederedh.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;