Galatianys 1:10 - An Bibel Kernewek 20234 (Kernewek Kemmyn)

¹⁰ Esov vy ytho owth assaya y'n eur ma perswadya tus po Duw? Po a hwilav plesya tus? Mar pen vy hwath ow plesya tus ny vien kethwas Krist.

Galatianys 1:10 ပူးပေါင်းရင်းမြစ်များ

Matthew 22:16

Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Matthew 28:14

Ha mara teffa an derivadow ma dhe glew an governour, ni a'n perswad, ha'gas gwitha saw.’

Matthew 6:24

‘Ny yll denvyth servya dew vester; rag poken ev a gas an eyl ha kara y gila, po lel yw dhe'n eyl hag ev a dhispres y gila. Ny yllowgh servya ha Duw ha mammon.

Oberow 12:20

Lemmyn ev o fest serrys orth Tus Tyr ha Sidon; ha gans unn akord i a dheuth dhodho, ha wosa i dhe dhendil skoedhyans Blastus, chambourlen an myghtern, i a bysis kres, drefenn bos aga fow sostenys dhiworth gwlas an myghtern.

Oberow 5:29

Mes Peder ha'n abesteli a worthybis ha leverel, ‘Y koedh dhyn obaya dhe Dhuw, a-der dhe dus.

Romanyon 1:1

Powl, gwas a Yesu Krist, gelwys dhe vos abostol, diberthys dhe aweyl Duw

Romanyon 2:29

Mes ev yw gwir Yedhow neb yw onan war-ji, ha trodreghyans yw a'n golonn, yn spyrys heb bos yn lytherenn, ma nag yw y wormola dhiworth tus mes dhiworth Duw.

Romanyon 2:8

Mes rag an re neb der avi yw diwostydh dhe'n gwiryonedh, mes dhe'n droktra gostydh y fydh konnar ha sorr bras.

1 Korinthianys 10:33

par dell blegyav evy dhe dus oll yn pup-tra a wrav, heb hwilas ow les ow honan, mes an les a lies, may fons selwys.

2 Korinthianys 12:19

Seulabrys y tybowgh ni dhe omaskusya dhywgh. A-rag Duw ni a gews yn Krist; mes pup-tra, karadowyon, yw a-barth agas drehevyans.

Efesianys 6:6

Na wrewgh hemma may fewgh gwelys, ow plegya dhe dus, mes avel gwesyon Krist, ow kul bodh Duw dhiworth an enev,

Filippianys 1:1

1 Powl ha Timothi, gwesyon Krist Yesu, Dhe oll an syns yn Krist Yesu usi yn Filippi gans an epskobow ha'n dhyagonyon:

Kolossianys 3:22

A gethwesyon, obayewgh dh'agas arlydhi war-lergh an kig yn pup-tra, a-der gans gonis yw gwelys rag plegya dhe vab-den, mes gans glander kolonn, ow perthi own a'n Arloedh.

1 Thessalonianys 2:4

mes, ha ni kommendys gans Duw may fo gorrys an aweyl yn charj dhyn ni, yndella y kewsyn: ny wren kewsel dhe blegya dhe vab-den, mes dhe Dhuw a brev agan kolonnow.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

1 Yowann 3:9

Neb yw dineythys a Dhuw, ny begh ev; rag y has a bes ynno: ha ny yll ev pegha, drefenn y vos dineythys a Dhuw.

1 Samuel 21:7

Lemmyn yth esa ena neb unn gour a wesyon Sowl an jydh na, gwithys a-dherag an Arloedh; Doeg o y hanow, Edomyas, an chyf a vugeledh Sowl.