Filippianys 2:7 - An Bibel Kernewek 20234 (Kernewek Kemmyn)

⁷ mes yth omwakhas y honan, ha kemmeres furv gwas, devedhys yn hevelep tus; ha kevys yn furv den

Filippianys 2:7 ပူးပေါင်းရင်းမြစ်များ

Salmow 22:6

Ha my, pryv ov vy, a-der gour; skorn mab-den, ha dispresys gans an bobel.

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 49:3

Hag y leveris dhymm, ‘Ow gwas yth os, Ysrael, may fydhav glorifiys ynno.’

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Zekaria 3:8

Goslow, a Yoshua an arghoferyas, ty ha'th keskowetha owth esedha a-ragos, rag tokyn yns i, my dhe dhri ow gwas, an Skorrenn.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 12:18

‘Awotta ow gwas a dhewisis, ow haradow mayth usi ynno ow delit; my a worr ow spyrys warnodho hag ev a dheriv breus dhe'n Jentilys.

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Mark 9:12

Mes ev a leveris dhedha, ‘Elias dhe wir a dheu kynsa ha restorya pub tra; fatell ytho yw skrifys a Vab an den ev dhe wodhevel lies tra ha bos dispresys?

Luk 22:27

Rag piw yw moyha, ev neb a esedh orth an voes po ev neb a serv? A nyns yw, ev neb a esedh orth an voes? Mes yth esov vy yn agas mysk kepar ha neb a serv.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Romanyon 1:3

a-dro dh'y Vab devedhys a has Davydh war-lergh an kig

Romanyon 15:3

Rag ny omblesya Krist; rag dell yw skrifys, ‘Kabel an re a'th kabla a goedhas warnav.’

Romanyon 15:8

Rag y lavarav dhywgh y teuth Krist ha bos menyster dhe'n re drodreghys rag gwirder Duw, rag surhe an ambosow a veu res dhe'n tasow,

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

2 Korinthianys 13:4

Rag krowsys veu dre wannder, mes ev a vew dre nerth Duw. Yn tevri, gwann on ni ynno ev, mes ragowgh hwi ni a wra bewa ganso dre nerth Duw.

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

Filippianys 2:6

kyn feu yn furv Duw, ny dybis bos par dhe Dhuw avel neppyth dhe sesya,

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.