Filippianys 2:2 - An Bibel Kernewek 20234 (Kernewek Kemmyn)

² gwrewgh lenwel ow lowena, ow prederi an keth tra gans an keth kerensa yn unn spyrys, unn tybyans,

Filippianys 2:2 ပူးပေါင်းရင်းမြစ်များ

Salmow 122:8

A-barth ow breder ha'm kowetha my a lever, ‘Bedhes kres ynnos jy.’

Yowann 3:29

Ev neb a gyv an briesvyrgh yw an gour pries; mes koweth an gour pries neb a sev ha goslowes orto a lowenha yn feur drefenn lev an gour pries. Ytho an lowena ma usi dhymmo vy yw kollenwys.

Oberow 1:14

Oll an re ma gans unn akord a omri dhe bysadow, gans an benynes ha Maria mamm Yesu ha gans y vreder.

Oberow 2:1

Pan dhothya dy' Fenkost, yth esens i oll war-barth y'n keth tyller,

Oberow 2:46

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow,

Oberow 5:12

Lemmyn dre dhiwla an abesteli meur a doknys ha marthusyon a hwarva yn mysk an bobel; hag yth esens oll war-barth yn Portal Solomon;

Romanyon 12:16

bedhewgh yn akord an eyl gans y gila; heb gul vri a'n taklow ughel, mes dhe'n re uvel ow plegya; na vedhewgh goethus.

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

2 Korinthianys 2:3

My a skrifas poran kepar dell wrug, ma na'm be keudh, pan dheffen vy, dhiworth an re may tegoedh dhedha ow heudhhe, rag yma fydhyans dhymm ynnowgh, ow joy dhe vos agas joy hwi oll.

2 Korinthianys 7:7

ha nyns o unnsel der y dhevedhyans, mes ynwedh der an konfort may feu ev konfortys a-dro dhywgh; ev a dherivas dhyn a-dro dh'agas hwans freth, agas kynvann, agas gwres a-barth dhymm, may lowenhis vy dhe voy.

Filippianys 1:4

prest ow pysi ragowgh hwi oll gans lowena yn oll ow fysadow,

Filippianys 2:16

ow synsi fast an ger a vewnans, may hylliv bostya yn dydh Krist na wrug vy poenya yn euver na lavurya yn euver.

Filippianys 2:20

Rag nyns eus genev denvyth a'n keth brys, a vydh prederus yn hwir yn agas kever.

Filippianys 4:2

My a bys Ewodyas ha my a bys Syntyke a vos a'n keth brys y'n Arloedh.

Kolossianys 2:5

Rag mar nyns esov vy omma y'n korf, byttegyns y'n spyrys yth esov genowgh, ow lowenhe ha gweles aray da ha krevder agas fydh yn Krist.

2 Thessalonianys 2:13

Mes y koedh dhyn grassa dhe Dhuw pup-prys yn agas kever, a vreder meurgerys gans an Arloedh, rag Duw a'gas dewisas y'n dalleth rag selwyans dre sansheans an spyrys ha kryjyans y'n gwir.

2 Timothi 1:4

hwansek dhe'th weles, hag ow perthi kov a dha dhagrow, may fiv lenwys a lowena,

Filemon 1:20

Ya, ow broder, re biv tylys genes y'n Arloedh. Hebaskha ow holodhyon yn Krist!

2 Yowann 1:4

My a lowenhas meur drefenn my dhe gavoes re a'th fleghes ow kerdhes yn gwirder, dell re gevsyn gorhemmynn gans an Tas.

3 Yowann 1:4

Ny allav kavoes lowender brassa es hemma, my dhe wodhvos y kerdh ow fleghes y'n gwirder.