Filemon 1:16 - An Bibel Kernewek 20234 (Kernewek Kemmyn)

¹⁶ dhe vos na fella keth mes moy es keth, broder karadow, kyns oll dhymmo vy, mes pygemmys moy dhiso jy y'n kig keffrys hag y'n Arloedh.

Filemon 1:16 ပူးပေါင်းရင်းမြစ်များ

Matthew 23:8

Mes hwi, na bedhewgh gelwys Rabbi; rag onan yw agas dyskador hag oll hwi yw breder.

Oberow 9:17

Hag Ananias eth dhe-ves hag entra y'n chi, hag ow korra y dhiwla warnodho ev a leveris, ‘Broder Sowl, an Arloedh re'm dannvonas, Yesu neb a omdhiskwedhas dhis y'n fordh may teuthys, may hwylli arta, ha bos lenwys a'n Spyrys Sans.’

1 Korinthianys 7:22

Rag neb a veu gelwys y'n Arloedh, hag ev keth, den livrys an Arloedh yth yw; keffrys neb o den livrys pan veu gelwys, keth Krist yth yw.

Kolossianys 3:22

A gethwesyon, obayewgh dh'agas arlydhi war-lergh an kig yn pup-tra, a-der gans gonis yw gwelys rag plegya dhe vab-den, mes gans glander kolonn, ow perthi own a'n Arloedh.

1 Timothi 6:2

Ha'n re gans mestrysi a grys, na wrens i aga dispresya drefenn aga bos breder, mes y koedh dhedha gonis gwell, avel kethwesyon, rag kryjygyon ha karadow yw an re a wra devnydh a brow an gonis. Dysk an taklow ma ha'ga ynnia.

Ebrowyon 3:1

Ytho, breder sans, kevrennoryon y'n galwans nevek, prederewgh a Yesu, abostol hag arghoferyas agan professyans;

1 Yowann 5:1

Pub huni a grys Yesu dhe vos an Krist yw genys a Dhuw; ha pub huni a gar dineythor a gar ynwedh an flogh dineythys ganso.