Ezra 9:7 - An Bibel Kernewek 20234 (Kernewek Kemmyn)

⁷ A-dhia dhydhyow agan tasow bys an jydh hedhyw agan kammweyth re beu meur; hag a-barth agan drogoberow re beu ni ha'gan myghternedh ha'gan oferysi delivrys yn leuv myghternedh an powyow, dhe'n kledha, dhe gethneth, ha dhe breydh, ha dhe uvelheans, dell yw y'n jydh hedhyw.

Ezra 9:7 ပူးပေါင်းရင်းမြစ်များ

1 Myghternedh 8:47

hwath mar tons dh'aga skians y'n tir may fons kemmerys yn kethneth, ha bos edregus, ha pledya genes yn tir an re a's dug yn kethneth, ow leverel, “Ni re beghas, ha kammwul; ni re wrug drogedh”,

2 Kroniklys 29:6

Rag agan tasow re beu dislel hag i a wrug an pyth o drog yn golok an Arloedh. I a'n forsakyas, hag a dreylyas aga fas dhiworth trigva an Arloedh, ha treylya aga heyn.

2 Kroniklys 30:7

Na vedhewgh avel agas tasow ha'gas breder o dislel dhe'n Arloedh, Duw agas tasow, bys ma's gwrug tra a skruth, dell welowgh.

2 Kroniklys 34:24

Yndellma y lever an Arloedh: Otta, my a dhre terroesa war an tyller ma ha war y drigoryon, oll an mollothow yw skrifys y'n lyver a veu lennys a-rag myghtern Yuda.

Ezra 9:13

Pup-tra eus devedhys warnan yw drefenn agan tebelwriansow, ha'gan treuspass meur, kyn hwrussys ty agan Duw agan kessydhya le es dell dhendilas agan kammweythresow, ha re ros dhyn remenant an par ma.

Nehemia 9:30

Ty a's perthi lies blydhen, ha ty a's gwarnyas gans dha spyrys dre dha brofoesi; hwath ny woslowsons. Ytho ty a's ros yn leuv poblow tiryow erell.

Ysay 64:4

A-henys tus ny glewas, na ny woslowas skovarn, na ny welas lagas duw marnas ty, neb a ober ragdho ev neb a'n gorta.

Yeremia 25:18

Yerusalem ha sitys Yuda ha'ga myghternedh ha'ga fennsevigyon, dh'aga gul magor, ynyalder, hwibana ha molleth, dell yns hedhyw;

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 32:23

hag i a dheuth a-ji ha'y erita. Mes ny woslowsons orth dha lev na kerdhes y'th lagha; ny wrussons travyth a'n pyth oll a worhemmynnsys dhedha. Ytho ty a wrug oll an anfeusi dhe dhos warnedha.

Yeremia 32:32

drefenn oll drogedh fleghes Ysrael ha fleghes Yuda, a wrussons dhe'm provokya dhe sorr, i, aga fennsevigyon, aga oferysi, ha'ga frofoesi, ha gwer Yuda, hag annedhysi Yerusalem.

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Yeremia 44:9

A ankevsowgh drogedh agas tasow, drogedh myghternedh Yuda ha drogedh aga gwragedh, agas drogedh hwi ha drogedh agas gwragedh, a wrussons yn pow Yuda hag yn stretow Yerusalem?

Kynvannow 5:7

Agan tasow re beghas, ny vewons hwath; ni re beu beghys gans aga drogoberow.

Ezekiel 11:9

My a'gas dre yn-mes anedhi, ha'gas ri yn leuv estrenyon ha gul breusow warnowgh.

Ezekiel 39:23

Ha'n kenedhlow a woer, chi Ysrael dhe vos yn kethneth drefenn aga drogobereth, rag i dhe vos dislel dhymm. Ytho my a gudhas ow fas dhiworta, ha'ga ri yn leuv aga eskerens, hag i oll a goedhas der an kledha.

Niverow 32:14

Hag otta, hwi re sevis yn le agas tasow, bagas a beghadoryon, dhe gressya hwath moy sorr fers an Arloedh erbynn Ysrael.

1 Samuel 12:15

mes mar ny woslewowgh orth lev an Arloedh, mes rebellya erbynn arghadow an Arloedh, ena leuv an Arloedh a dheu er agas pynn, kepar dell veu erbynn agas tasow.