Ezra 8:36 - An Bibel Kernewek 20234 (Kernewek Kemmyn)

³⁶ Hag i a dhelivras arghadowyow an myghtern dhe wahalyethow an myghtern, ha dhe wovernours an rannvro Dres-an-Avon: hag i a skoedhyas an bobel ha chi Duw.

Ezra 8:36 ပူးပေါင်းရင်းမြစ်များ

Ezra 6:13

Ena Tattenay, governour an rannvro Dres-an-Avon, Shethar-bozenay, ha'ga heskowetha, a wrug herwydh an pyth a dhannvonas Darius an myghtern, gans meur a rach.

Nehemia 2:7

Ynwedh my a leveris dhe'n myghtern, ‘Mar pleg dhe'n myghtern, bedhes lytherow res dhymm dhe wovernours an rannvro Dres-an-Avon, may hwrontyons dhymm tremen saw bys pan dhyffiv bys yn Yuda;

Ester 3:12

Ena skrifwesyon an myghtern a veu gelwys y'n kynsa mis, y'n trydhegves dydh, ha skrifys veu poran dell arghsa Haman, dhe wahalyethow an myghtern ha dhe wovernours pub rannvro, ha dhe bennsevigyon pub pobel; dhe bub rannvro herwydh y skrif, ha dhe bub pobel herwydh hy thaves; y feu skrifys yn hanow an myghtern Ahasuerus, ha selys veu gans bysow an myghtern.

Ester 9:3

Hag oll pennsevigyon an rannvroyow, ha'n wahalyethow, ha'n wovernours, ha menystoryon an myghtern, a weresas an Yedhewon; rag bos koedhys warnedha own a Mordekay.

Lavarow Koth 16:7

Pan vo fordhow gour plegadow gans an Arloedh, ev a wra may fo ynwedh y eskerens yn kres ganso.

Oberow 18:27

Ha pan vynnas ev mos yn Aghaia, an vreder a'n kennerthas hag i a skrifas dhe'n dhyskyblon may hwrellens y wolkomma; hag ev devedhys, ev a weresas meur an re a wrussa krysi dre ras,

Diskwedhyans 12:16

Ha'n dor a weresas an venyn ha'n dor a igoras y anow ha lenki an avon a dewlis an dhragon yn-mes a'y ganow.