Ezra 8:31 - An Bibel Kernewek 20234 (Kernewek Kemmyn)

³¹ Ena ni eth yn-kerdh dhiworth an avon Ahava yn dewdhegves dydh an kynsa mis, rag mos dhe Yerusalem; yth esa leuv agan Duw warnan, hag ev a'n sawyas dhiworth leuv an eskar, ha dhiworth neb a gontrewayt ryb an fordh.

Ezra 8:31 ပူးပေါင်းရင်းမြစ်များ

Ezra 7:28

ha neb re ystynnas tregeredh dhymm a-rag y gusulyoryon hag oll soedhogyon alloesek an myghtern. Ha my a veu kennerthys, rag bos leuv an Arloedh ow Duw warnav, ha my a guntellas ledyoryon yn-mes a Ysrael rag mos yn-bann genev.

Ezra 7:9

Ev a erviras mos yn-bann a-dhiworth Babylon yn kynsa dydh an kynsa mis, hag ev a dheuth dhe Yerusalem yn kynsa dydh an pympes mis, drefenn bos leuv dha y Dhuw warnodho.

Ezra 8:15

My a's kuntellas war-barth orth an avon a res troha Ahava; ha ni a gampyas ena tri dydh. My a dhaswelas an bobel ha'n oferysi, ha ny gevis ena denvyth a vebyon Levi.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Oberow 25:3

ow kovynn favour dhiworto, ma'n galwa dhe Yerusalem, rag yth esens ow mynnes kontrewaytya rag y ladha y'n hyns.

Oberow 26:22

Bys y'n jydh ma my re gavas sokor dhiworth Duw, ha rakhenna my a sev ow tustunia orth byghan ha bras, heb leverel travyth marnas an taklow a leveris ha'n brofoesi ha Moyses y hwrens hwarvos,