Ezra 8:22 - An Bibel Kernewek 20234 (Kernewek Kemmyn)

²² Rag meth a'm bia govynn orth an myghtern kowethas soudoryon ha marghogyon dh'agan gweres erbynn ladron fordh; rag ni a leveris dhe'n myghtern, ‘Yma leuv agan Duw war oll an re a'n hwila; mes yma y alloes ha'y sorr erbynn oll a'n eskas.’

Ezra 8:22 ပူးပေါင်းရင်းမြစ်များ

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

Ezra 7:28

ha neb re ystynnas tregeredh dhymm a-rag y gusulyoryon hag oll soedhogyon alloesek an myghtern. Ha my a veu kennerthys, rag bos leuv an Arloedh ow Duw warnav, ha my a guntellas ledyoryon yn-mes a Ysrael rag mos yn-bann genev.

Ezra 7:6

an Ezra ma a dheuth yn-bann a-dhiworth Babylon; hag ev o skriba skentel yn lagha Moyses, a wrug an Arloedh Duw a Ysrael hy ri. An myghtern a wrontyas dhodho oll y worholedhow, rag bos leuv an Arloedh y Dhuw warnodho.

Ezra 7:9

Ev a erviras mos yn-bann a-dhiworth Babylon yn kynsa dydh an kynsa mis, hag ev a dheuth dhe Yerusalem yn kynsa dydh an pympes mis, drefenn bos leuv dha y Dhuw warnodho.

Ezra 8:31

Ena ni eth yn-kerdh dhiworth an avon Ahava yn dewdhegves dydh an kynsa mis, rag mos dhe Yerusalem; yth esa leuv agan Duw warnan, hag ev a'n sawyas dhiworth leuv an eskar, ha dhiworth neb a gontrewayt ryb an fordh.

Nehemia 2:9

Yn eur na my a dheuth dhe wovernours an rannvro Dres-an-Avon, ha ri dhedha lytherow an myghtern. Lemmyn an myghtern re dhannvonsa kaptenyon an lu ha marghogyon genev.

Salmow 20:8

Plegys yns dhe'n dor, ha koedhys; mes ni a omdhrehav, ha sevel a'gan sav.

Salmow 34:22

An Arloedh a dhaspren enev y wesyon; ha ny vydh kessydhys denvyth a'n re a hwila skovva ynno ev.

Salmow 90:11

Piw a aswonn nerth dha sorr, ha'th koler, mar vras dell yw an own ahanas?

Kynvannow 3:25

Da yw an Arloedh dhe seul a'n worto, dhe'n enev a'n hwillo.

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

1 Korinthianys 9:15

Mes ny wrug vy devnydh a dravyth a'n gwiryow ma, na ny skrifis vy rag gwaynya traow a'n par na. Merwel a vynnsen kyns es dell gemmerro nebonan dhiworthiv ow skila dhe vostya!

2 Korinthianys 7:14

rag mar postis vy dhodho a-dro dhywgh, ny'm beu meth, mes par dell o gwir an traow oll a leversyn dhywgh, keffrys agan bostyans dhe Titus re beu prevys gwir.

Ebrowyon 10:38

mes ow den gwiryon a wra bewa dre fydh, ha mar kildenn, ny gemmer ow enev plesour ynno.’

Yoshua 22:16

‘Yndellma y lever oll kuntelles an Arloedh, “Pyth yw an dislelder ma re wrussowgh erbynn Duw Ysrael ow treylya hedhyw dhiworth siwya an Arloedh, ow trehevel alter ragowgh agas honan hedhyw yn rebellyans erbynn an Arloedh?

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’

1 Peder 3:12

rag bos dewlagas an Arloedh war an re wiryon, hag igor yw y dhiwskovarn dh'aga fysadow, mes fas an Arloedh yw settys erbynn an re a wra drog.’