Ezra 8:21 - An Bibel Kernewek 20234 (Kernewek Kemmyn)

²¹ Ena my a elwis rag penys ena, ryb an avon Ahava, mayth omuvelhyn a-rag agan Duw, rag hwilas a-dhiworto hyns heb kaletter ragon, ha rag agan fleghes, gans oll agan pythow.

Ezra 8:21 ပူးပေါင်းရင်းမြစ်များ

2 Kroniklys 20:3

Yehoshafat a berthi own; ev a erviras hwilas an Arloedh, hag ev a ordenas penys der oll Yuda.

2 Kroniklys 20:4

Yuda a omguntellas rag hwilas gweres gans an Arloedh; dhiworth oll sitys Yuda y teuthons rag hwilas an Arloedh.

Ezra 8:15

My a's kuntellas war-barth orth an avon a res troha Ahava; ha ni a gampyas ena tri dydh. My a dhaswelas an bobel ha'n oferysi, ha ny gevis ena denvyth a vebyon Levi.

Ezra 8:31

Ena ni eth yn-kerdh dhiworth an avon Ahava yn dewdhegves dydh an kynsa mis, rag mos dhe Yerusalem; yth esa leuv agan Duw warnan, hag ev a'n sawyas dhiworth leuv an eskar, ha dhiworth neb a gontrewayt ryb an fordh.

Nehemia 9:1

Lemmyn y'n peswora dydh warn ugens a'n mis ma mebyon Ysrael a veu kuntellys war-barth gans penys, hag yn yskar ha gans pri war aga fenn.

Ester 4:16

‘Ke, kuntell oll an Yedhewon usi yn Shushan, ha gwrewgh penys ragov, ha na wrewgh hwi dybri nag eva tri dydh, nosweyth na dydhweyth: my ynwedh, ha'm maghtethyon, penys a wren ni yn kepar maner. Ena mos a-ji bys y'n myghtern a wrav kyn fo erbynn an lagha: ha mar pydhav distruys, distruys vydhav.’

Salmow 137:1

Ryb dowrow Babylon, ena yth esedhsyn hag oela pan berthsyn kov ahanas, A Sion.

Salmow 5:8

Hembronk vy, A Arloedh, y'th ewnder drefenn ow eskerens; gwra dha fordh kompes a-dheragov. Fyn aga

Salmow 5:9

Rag nyns eus lelder yn aga ganow; aga holonn yw leun a spit. Aga lonk yw logel igor, i a fekyl gans aga thaves.

Salmow 8:2

Yn-mes a anow fleghigyow ha'n re ow tena ty re fastyas nerth drefenn dha eskerens, rag may tiswrylli an eskar ha'n dialor.

Lavarow Koth 3:6

Yn oll dha fordhow gwra y aswonn, hag ev a wra dhe'th hynsyow bos kompes.

Ysay 30:21

Dha dhiwskovarn a glew ger a-dryv dhis, ow leverel, ‘Hemm yw an fordh, kerdhewgh ynni’, pan dreylyowgh dhe'n dyghow, po pan dreylyowgh dhe'n kledh.

Ysay 35:8

Y fydh fordh-veur ena, ha hyns, hag y fydh henwys an Fordh a Sansoleth. Ny dremen an den avlan warnedhi, mes y fydh fordh rag pergherinyon, ny wra fellyon gwandra ynni.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Ysay 58:5

Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Yeremia 10:23

A Arloedh, my a woer nag yw fordh den yn-dann y rewl y honan: ny yll gour marwel, dell gerdh, gidya y gammow.

Yeremia 42:3

may hwrello an Arloedh dha Dhuw diskwedhes dhyn an fordh may kerdhyn ynni ha'n pyth a wren.’

Daniel 9:3

Ena my a dreylyas ow thremmynn troha'n Arloedh Duw, orth y hwilas dre bysadow ha der aspysadow, gans penys, ha gans yskar ha lusu.

Yoel 1:14

Sakrewgh penys, gelwewgh kuntelles solem, kuntellewgh an dus hen, oll annedhysi an tir, yn chi an Arloedh agas Duw, ha kriewgh war an Arloedh.

Levitikus 16:29

Ha hemma a vydh ordenans ragowgh bys vykken: y'n seythves mis, yn degves dydh an mis, hwi a omjasti ha ny wrewgh ober vyth, naneyl genesik nag alyon trigys yn agas mysk,

Levitikus 16:31

Sabot solem a bowes vydh ragowgh, ha hwi a omjasti; yth yw ordenans bys vykken.

Levitikus 23:29

Piwpynag na omuvelhaho poran an jydh na a vydh treghys dhe-ves dhiworth y bobel.

Yona 3:5

Ytho gwer Nineve a grysis yn Duw, hag ordena penys, hag omgwetha gans yskar, bras ha byghan.

Yona 3:7

Hag ev a dhellos gwarnyans yn Nineve: ‘Der arghadow an myghtern ha'y wahalyethow: Na wres den na best, gwarthek na deves, tastya travyth, na peuri, nag eva dowr;

Niverow 14:3

Prag y hwra an Arloedh agan dri y'n tir ma, dhe goedha der an kledha? Agan gwragedh ha'gan re vyghan a vydh preydh; a ny via gwell dehweles dhe Ejyp?’

Niverow 14:31

Mes agas re vyghan, a leversowgh a wre ha dos preydh, my a's dre a-ji, hag i a wra aswonn an tir re dhispresowgh.

Oberow 2:39

Rag yma'n dedhewadyow dhywgh hwi ha dh'agas fleghes ha dhe'n re usi pell, myns a alwo an Arloedh agan Duw dhodho.’

Breusysi 20:26

Ena oll mebyon Ysrael, an lu dien, a dhehwelis dhe Bethel, hag a oelas, owth esedha ena a-rag an Arloedh, ow penys an jydh na bys y'n gorthugher. Ena i a offrynnas offrynnow leskys hag offrynnow kres a-rag an Arloedh.

1 Samuel 7:6

Hag i a omguntellas war-barth yn Mispa, ha tenna dowr ha'y dhinewi yn-mes a-dherag an Arloedh. I a benysas y'n jydh na, ha leverel, ‘Ni re beghas erbynn an Arloedh.’ Ha Samuel a vreusi mebyon Ysrael yn Mispa.