Ezra 7:26 - An Bibel Kernewek 20234 (Kernewek Kemmyn)

²⁶ Ha piwpynag na vynno bos gostydh dhe lagha dha Dhuw ha lagha an myghtern, bedhes breus gwrys warnodho yn straght, po mernans, po divroedh, po kemmeryans y byth, po prisonyans.

Ezra 7:26 ပူးပေါင်းရင်းမြစ်များ

2 Kroniklys 30:12

Yth esa leuv Duw war Yuda ynwedh rag ri dhedha unn brys dhe wul an pyth a worhemmynnis an myghtern ha'n soedhogyon dre er an Arloedh.

Ezra 10:4

Sa'bann; rag dha dhever jy yw hemma, ha ni a vydh genes. Bydh krev, ha'n gwra.’

Ezra 10:8

Piwpynag na vynna dos a-ji dhe dri dydh, herwydh ervirans an bennsevigyon ha'n henavogyon, bedhes kowldhistruys oll y bythow, hag ev y honan diberthys a-dhiworth kuntelles an dhivresow.

Ezra 6:11

Ynwedh, my re dhellos arghadow, piwpynag a janchyo an ordenans ma, bedhes prenn tennys yn-nans a'y ji, ha bos settys yn-bann, ha bedhes ev kregys warnodho ha bedhes y ji gwrys teylek.

Ezra 6:12

Ha'n Duw neb a wrug dh'y hanow triga ena, re dhomhwello myghtern po pobel pynag a ystynno leuv dhe janjya hemma, po dhe dhistrui an chi ma a Dhuw, usi yn Yerusalem. My Darius re dhellos arghadow; bedhes gwrys gans meur a rach.’

Salmow 52:5

Duw ynwedh a'th tistru bynitha; ev a'th kemmer dhe-ves, ha'th tenna yn-mes a'th tylda, ha kemmeres dha wreydhenn mes a dir an re vew. Sela.

Daniel 6:26

Ordenans a wrav, yn pub arloetteth a'm ruvaneth, may hwrello tus krena ha kavoes own a-rag Duw Daniel, Rag ev yw an Duw bew, neb a dhur bys vykken; nevra ny vydh y wlaskor distruys, ha'y roweth a vydh bys y'n diwedh.

Dewteronomi 27:26

‘Mollothek yw ev neb na venten geryow an lagha ma orth aga gul.’ Ena oll an bobel a lever, ‘Amen.’