Ezra 7:25 - An Bibel Kernewek 20234 (Kernewek Kemmyn)

²⁵ Ha ty, Ezra, herwydh furneth dha Dhuw, usi yn dha leuv, orden justisyow ha breusysi, a yll breusi oll an dus usi y'n rannvro Dres-an-Avon, oll an re a aswonn laghys dha Dhuw; ha dyskewgh neb na's aswonn.

Ezra 7:25 ပူးပေါင်းရင်းမြစ်များ

Jenesis 41:38

Hag yn-medh Faro dh'y wesyon, ‘A yllyn ni kavoes gour a'n par ma, hag ynno Spyrys Duw?’

Jenesis 41:39

Ytho Faro a leveris dhe Yosep, ‘A-ban wrug Duw diskwedhes hemma oll dhiso, nyns eus denvyth mar dhoeth ha fur avelos.

1 Myghternedh 3:28

Ysrael oll a glewas a'n vreus re rosa an myghtern; hag i a ownas an myghtern, drefenn i dhe weles bos furneth Duw ynno, dhe wul barn.

2 Myghternedh 17:27

Ena myghtern Assyria a worhemmynnis, ‘Dannvenewgh di onan a'n oferysi a dhugowgh alena; gwres mos ha triga ena, ha dyski dhedha lagha duw an pow.’

1 Kroniklys 22:12

Re wrontyo an Arloedh dhis furneth ha konvedhes may hwitthi lagha an Arloedh dha Dhuw pan re ev dhis charj war Ysrael.

1 Kroniklys 23:4

‘Peswar mil warn ugens anedha a'n jevydh charj a'n ober yn chi an ARLOEDH, hwegh mil a vydh soedhogyon ha breusysi,

Ezra 10:4

Sa'bann; rag dha dhever jy yw hemma, ha ni a vydh genes. Bydh krev, ha'n gwra.’

Ezra 6:6

‘Rakhenna lemmyn, Tattenay, governour Dres-an-Avon, Shethar-bozenay, ha'gas keskowetha an soedhogyon usi y'n rannvro Dres-an-Avon, bedhewgh pell alena:

Ezra 7:10

Rag Ezra re settsa y golonn dhe hwilas lagha an Arloedh, ha dh'y gul, ha dhe dhyski ordenansow ha breusow yn Ysrael.

Ezra 7:14

Rag ty yw dannvenys gans an myghtern, ha'y seyth kusulyador, may hwovynni a-dro dhe Yuda ha Yerusalem, herwydh lagha dha Dhuw usi y'th leuv;

Nehemia 9:3

I a sevis yn-bann yn aga savla ha lenna mes a lyver lagha an Arloedh aga Duw rag kwarter an jydh, ha rag kwarter arall i a gonfessyas, ha gordhya an Arloedh aga Duw.

Salmow 19:7

Lagha an Arloedh yw perfydh, ow kul dhe'n enev dasvewa; dustuniow an Arloedh yw sur, ow ri furneth dhe'n re sempel.

Lavarow Koth 2:6

Rag an Arloedh a re furneth, a'y anow y teu godhvos ha konvedhes,

Lavarow Koth 6:23

Rag an gorhemmynn yw lugarn ha'n dyskans yw golow, ha'n reprevow a dhyskybleth yw an fordh a vewnans,

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Matthew 13:52

Yn-medh ev dhedha, ‘Pub skriba, ytho, a veu dyskys rag gwlaskor nev yw haval dhe diek neb a denn yn-mes a'y withva taklow nowydh ha taklow koth.’

Mark 6:34

Ha pan dheuth yn-mes, ev a welas routh veur, ha truedh a'n jeva anedha, rag yth ens avel deves heb bugel; hag ev a dhallathas dyski dhedha lies tra.

Dewteronomi 16:18

Ty a re breusysi ha soedhogyon yn oll dha yetys a wra an Arloedh dha Dhuw aga ri dhis, dre dha loethow; hag i a vreus an bobel gans gwirvreus.

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.