Ezra 7:24 - An Bibel Kernewek 20234 (Kernewek Kemmyn)

²⁴ Bedhewgh avisys ynwedh, na vydh laghel beghya na toll-benn, na toll-wara, na toll-dir war dhenvyth a'n oferysi an Levysi, an ganoryon, an borthoryon, gwesyon an tempel, na servysi erell a'n chi ma a Dhuw.

Ezra 7:24 ပူးပေါင်းရင်းမြစ်များ

Jenesis 47:22

Saw unnsel tir an oferysi ny wrug ev y brena, rag yth esa dhe'n oferysi ewnrann dhiworth Faro; hag yth esens i ow tybri aga ewnrann a ros Faro dhedha. Ytho ny werthsons aga thir.

Jenesis 47:26

Ytho Yosep a wrug hemma ordenans bys y'n jydh hedhyw a-dro dhe bow Ejyp: Faro dhe gavoes an pympes rann. Saw tir an oferysi yn unnsel ny goedhas dhe Faro.

Ezra 4:13

Re bo godhvedhys lemmyn dhe'n myghtern, mar pydh drehevys an sita ma, ha'n fosow gorfennys, alena ny dalvydhons na toll-benn, na toll-wara, na toll-dir, ha les an myghternedh a vydh aperys yn sur.

Ezra 4:20

Byttegyns, re beu myghternedh galloesek dhe Yerusalem, neb a rewlyas oll an rannvro Dres-an-Avon; ha toll-benn ha toll-wara, ha toll-dir, a veu tylys dhedha.

Ezra 7:7

Ha rann a vebyon Ysrael, ha rann a'n oferysi, an Levysi, an ganoryon, an borthoryon, ha'n Nethinim eth yn-bann dhe Yerusalem ynwedh, y'n seythves blydhen a Artakserkses an myghtern.

Nehemia 5:4

Ynwedh yth esa re a leveri, ‘Ni re jevisyas mona rag toll an myghtern war agan gwelyow ha war agan gwinlannow.

Matthew 9:9

Ha Yesu ow tremena alena a welas den o esedhys orth an dollva, Matthew henwys, ha dhodho y leveris, ‘Gwra ow holya.’ Hag ev a sevis yn-bann hag a'n holyas.