Ezra 7:15 - An Bibel Kernewek 20234 (Kernewek Kemmyn)

¹⁵ ha dhe dhoen an arghans ha'n owr a wra an myghtern ha'y gusulyadoryon profya a-vodh dhe Dhuw Ysrael, a'n jeves y drigva yn Yerusalem,

Ezra 7:15 ပူးပေါင်းရင်းမြစ်များ

1 Kroniklys 29:6

Ena pennow an teyluyow, pennow loethow Ysrael, kaptenyon milyow ha kansow, ha hembrenkysi ober an myghtern a ombrofyas a'ga bodh,

2 Kroniklys 2:6

Mes piw a yll drehevel chi ragdho, a-ban na yll an ughella nev y synsi? Piw ov vy bys may trehavav chi ragdho, marnas y vos avel tyller dhe leski offrynnow a-ragdho?

2 Kroniklys 32:23

Lies a dhros offrynnow dhe'n Arloedh yn Yerusalem ha rohow fethus dhe Hezekia myghtern Yuda. Wosa henna y feu ughelhes yn golok oll an kenedhlow.

2 Kroniklys 6:2

My re dhrehevis chi ughel, tyller ragos dhe driga ynno bys vykken.’

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

Ezra 1:6

Hag oll aga hentrevogyon a's gweresas gans lestri a arghans, gans owr, gans gwara, ha gans chatel, ha gans rohow a bris, war-barth gans oll an offrynnow bolonjedhek.

Ezra 6:12

Ha'n Duw neb a wrug dh'y hanow triga ena, re dhomhwello myghtern po pobel pynag a ystynno leuv dhe janjya hemma, po dhe dhistrui an chi ma a Dhuw, usi yn Yerusalem. My Darius re dhellos arghadow; bedhes gwrys gans meur a rach.’

Ezra 6:4

gans tri rew a veyn bras, hag unn rew a brenn; ha bedhes an kost res a-dhiworth tresorva an myghtern:

Ezra 7:14

Rag ty yw dannvenys gans an myghtern, ha'y seyth kusulyador, may hwovynni a-dro dhe Yuda ha Yerusalem, herwydh lagha dha Dhuw usi y'th leuv;

Ezra 8:25

ha my a boesas dhedha an arghans ha'n owr, ha'n lestri, henn yw an offrynn rag chi agan Duw, a offrynnas an myghtern, ha'y gusulyadoryon, ha'y bennsevigyon, hag oll tus Ysrael esa ena.

Salmow 135:21

Benniges re bo an Arloedh dhiworth Sion, neb usi trigys yn Yerusalem. Gormelewgh an Arloedh.

Salmow 26:8

Arloedh, my re garas trigva dha ji, an tyller mayth annedh dha wolewder.

Salmow 72:10

Re dhrollo myghternedh Tarshish ha'n ynysow trubyt; ha myghternedh Sheba ha Seba dri rohow.

Salmow 76:11

Gwrewgh ambos dhe'n Arloedh agas Duw, ha'y gollenwel; oll an re usi yn y gyrghynn, drens i rohow dhe neb a dal perthi own anodho.

Salmow 76:2

Yn Salem yma y skovva, ha'y drigva yn Sion.

Salmow 9:11

Kenewgh gormola dhe'n Arloedh trigys yn Sion, derivewgh y wriansow yn mysk an poblow.