Ezra 6:20 - An Bibel Kernewek 20234 (Kernewek Kemmyn)

²⁰ An oferysi ha'n Levysi re lanhasa aga honan war-barth; i oll o glan, hag i a ladhas an pask rag oll mebyon an divroedh, ha rag aga breder an oferysi, ha ragdha aga honan.

Ezra 6:20 ပူးပေါင်းရင်းမြစ်များ

2 Kroniklys 29:34

Mes tanow o niver an oferysi ha ny yllons kroghena oll an offrynnow leskys; ytho aga breder an Levysi a's gweresas bys pan o an ober gorfennys ha bys pan o oll an oferysi erell sakrys, rag an Levysi o moy diwysyk ages an oferysi owth omsakra aga honan.

2 Kroniklys 35:11

I a ladhas eyn an pask, ha'n oferysi a skoellyas rann a'n goes a dhegemmersons a'ga diwla, ha'n Levysi a's diruskis.

2 Kroniklys 35:14

Wosa henna i a bareusis ragdha aga honan ha rag an oferysi drefenn bos an oferysi, mebyon Aron, fest bysi owth offrynna an offrynnow leskys ha'n rannow blonegek bys y'n nos; yndella an Levysi a bareusis ragdha aga honan ha rag an oferysi, mebyon Aron.

2 Kroniklys 35:15

Yth esa an ganoryon, mebyon Asaf, yn aga thyller, herwydh gorhemmynn Davydh, Asaf, Heman, ha Yeduthun gwelesydh an myghtern. Yth esa gwithysi an yetow orth pub yet; ny's tevo edhomm a woderri aga servis, rag aga breder, an Levysi a bareusis ragdha.

Eksodus 12:21

Ena Moyses a elwis henavogyon Ysrael, ha leverel dhedha, ‘Kewgh dhe gyrghes agas eyn herwydh agas teyluyow, ha ladha an pask.

Ebrowyon 7:27

Ny'n jevo edhomm, avel an arghoferysi na, a offrynna sakrifis pub-dydh, kynsa rag y beghosow ev hag ena rag peghosow an bobel; ev a wrug hemma unnweyth pan omoffrynnas y honan.