Ezra 6:17 - An Bibel Kernewek 20234 (Kernewek Kemmyn)

¹⁷ Rag sakrans an chi ma a Dhuw i a offrynnas kans lodhen, dew kans hordh, peswar kans oen; ha rag offrynn pegh rag oll Ysrael dewdhek bogh, herwydh niver loethow Ysrael.

Ezra 6:17 ပူးပေါင်းရင်းမြစ်များ

1 Myghternedh 18:31

Elias a gemmeras dewdhek men, herwydh niver loethow mebyon Yakob, may teuth dhedha ger an Arloedh, ow leverel, ‘Ysrael a vydh dha hanow’.

1 Myghternedh 8:62

Ena an myghtern, hag oll Ysrael ganso, a offrynnas sakrifis a-rag an Arloedh.

2 Kroniklys 29:24

An oferysi a's ladhas hag a wrug offrynn gans aga goes war an alter, rag gul dehwelyans a-barth oll Ysrael. Rag an myghtern a worhemmynnis may hwreller an offrynn leskys ha'n offrynn pegh a-barth oll Ysrael.

2 Kroniklys 7:5

Myghtern Solomon a offrynnas avel sakrifis dew vil warn ugens a ojyon, ha hweg ugens mil dhavas. Yndella an myghtern hag oll an bobel a sakras chi Duw.

Ezra 8:35

Ena mebyon an divroedh, o devedhys mes a'n gethneth, a offrynnas offrynnow leskys dhe Dhuw Ysrael, dewdhek lodhen rag oll Ysrael, hwetek hordh ha peswar-ugens, seytek oen ha tri-ugens, ha dewdhek bogh avel offrynn pegh: oll an re ma o offrynn leskys dhe'n Arloedh.

Levitikus 4:28

pan dheu dh'y wodhvos an pegh re beghas, ev a dhre y offrynn, mynn a'n gever, onan benow heb namm, rag y begh re beghas.

Levitikus 4:3

mars yw an oferyas untys neb a begh, yndella ow kul an bobel dhe vos kablus, dres ev dhe'n Arloedh rag y begh re beghas tarow yowynk heb namm, rag offrynn pegh.

Luk 22:30

may typprowgh hag eva orth ow moes y'm gwlaskor, hag esedha war dronyow, ow preusi dewdhek loeth Ysrael.’

Diskwedhyans 21:12

Ha gensi yth esa fos vras hag ughel, ha dewdhek yet, hag orth an yetys dewdhek el, ha henwyn skrifys warnedha, yw a'n dewdhek loeth a vebyon Ysrael.