Ezra 6:14 - An Bibel Kernewek 20234 (Kernewek Kemmyn)

¹⁴ Ha henavogyon an Yedhewon a dhrehevis, ha sewena dre brofoesans Haggay an profoes ha Zekaria mab Iddo. Hag i worfennas drehevel herwydh gorhemmynn Duw Ysrael, ha herwydh arghadow Kyrus, ha Darius, hag Artakserkses myghternedh Persia.

Ezra 6:14 ပူးပေါင်းရင်းမြစ်များ

Ezra 3:8

Y'n nessa blydhen wosa i dhe dhos dhe ji Duw yn Yerusalem, y'n nessa mis, Zerubbabel mab Shealtiel ha Yeshua mab Yosadak a dhallathas an ober, war-barth gans remenant aga breder, an oferysi ha'n Levysi, hag oll an re a dheuth mes a'n gethneth dhe Yerusalem. I a apoyntyas an Levysi, ugens bloedh po moy, dhe worweles ober chi an Arloedh.

Ezra 4:24

Yndella yn eur na ober chi Duw usi yn Yerusalem a hedhis, ha pesya yndella bys y'n nessa blydhen a reyn Darius myghtern Persia.

Ezra 4:3

Mes Zerubbabel, Yeshua ha'n bennow teyluyow erell a Ysrael, a leveris dhedha, ‘Ny'gas beus travyth dhe wul genen rag drehevel chi dh'agan Duw; mes ni agan honan war-barth a vynn drehevel rag an Arloedh, Duw Ysrael, dell erghis dhyn myghtern Kyrus, myghtern Persia.’

Ezra 5:1

Ena an brofoesi, Haggay ha Zekaria mab Iddo, a brofoesas dhe'n Yedhewon esa yn Yuda ha Yerusalem yn hanow Duw Ysrael, esa warnedha.

Ezra 5:13

‘Byttegyns, yn kynsa blydhen Kyrus myghtern Babylon, Kyrus an myghtern a dhellos arghadow rag dastrehevel an chi ma a Dhuw.

Ezra 5:2

Ena Zerubbabel mab Shealtiel, ha Yeshua mab Yosadak a sevis, ha dalleth dastrehevel chi Duw usi yn Yerusalem: ha gansa yth esa brofoesi Duw, orth aga gweres.

Ezra 6:3

Yn kynsa blydhen Kyrus an myghtern, an myghtern a dhellos arghadow a-dro dhe ji Duw yn Yerusalem: Bedhes dastrehevys an chi, le mayth offrynnons sakrifisow, ha bedhes offrynnow leskys dres; tri-ugens kevelin a vydh y ughelder, ha tri-ugens kevelin y les,

Ezra 6:8

Gans henna, my a dhyllo arghadow dhywgh, pyth dhe wul dhe'n henavogyon ma a'n Yedhewon rag dastrehevyans an chi ma a Dhuw: bedhes an kost res yn leun dhe'n wer ma a-boynt, ma na vons lestys, dhiworth tresorva an myghtern, toll an rannvro Dres-an-Avon.

Ezra 7:1

Lemmyn wosa an hwarvosow ma, yn reyn Artakserkses myghtern Persia, Ezra mab Seraya, mab Azaria, mab Hilkia,

Ezra 9:9

Rag kethyon on ni; byttegyns ny'n eskasas agan Duw yn agan kethneth, mes ystynn tregeredh dhyn a-wel dhe vyghternedh Persia, may rollo dhyn dasvewnans, dhe dhasdrehevel chi agan Duw, hag ewnhe y vagoryow, hag ev re ros dhyn fos yn Yuda hag yn Yerusalem.

Nehemia 6:15

Ytho an fos a veu kowlwrys y'n pympes dydh warn ugens a vis Elul, y'n dewdhek dydh ha dew-ugens.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Haggay 1:8

Yskynnewgh an menydh ha dri prenn ha drehevel an chi may kyffiv plesour ynno ha bos enorys, yn-medh an Arloedh.

Zekaria 1:1

Y'n ethves mis an nessa blydhen Darius, ger an Arloedh a dheuth dhe'n profoes Zekaria mab Berekia, mab Iddo, ow leverel:

Zekaria 1:16

Ytho yndellma y lever an Arloedh: My a wra dehweles dhe Yerusalem gans truedh, hag ena ow chi a vydh dastrehevys, yn-medh Arloedh an luyow, ha'n gordenn-vusura a vydh ystynnys dres Yerusalem.

Zekaria 4:9

‘Diwla Zerubbabel a fondyas an chi ma; y dhiwla a wra y worfenna. Ena ty a woer y hwrug Arloedh an luyow ow dannvon dhis.

Zekaria 8:9

Yndellma y lever Arloedh an luyow: Bedhes krev agas diwleuv, hwi neb a glew y'n dydhyow ma an geryow na dre anow an brofoesi y'n termyn may feu grondys chi Arloedh an luyow, rag may fo drehevys an tempel.