Ezra 6:12 - An Bibel Kernewek 20234 (Kernewek Kemmyn)

¹² Ha'n Duw neb a wrug dh'y hanow triga ena, re dhomhwello myghtern po pobel pynag a ystynno leuv dhe janjya hemma, po dhe dhistrui an chi ma a Dhuw, usi yn Yerusalem. My Darius re dhellos arghadow; bedhes gwrys gans meur a rach.’

Ezra 6:12 ပူးပေါင်းရင်းမြစ်များ

1 Myghternedh 9:3

An Arloedh a leveris dhodho, ‘My re glewas dha bysadow ha'th pledyans a wrussys a-ragov; my re sakras an chi ma re dhrehevsys, ha gorra ow hanow ena bys vykken; ow lagasow ha'm kolonn a vydh ena bys vykken.

2 Kroniklys 7:16

Rag my re dhewisas hag a sakras an chi ma, rag may fo ow hanow ena bys vykken; ow dewlagas ha'm kolonn a vydh ena bynitha.

Ezra 6:13

Ena Tattenay, governour an rannvro Dres-an-Avon, Shethar-bozenay, ha'ga heskowetha, a wrug herwydh an pyth a dhannvonas Darius an myghtern, gans meur a rach.

Ezra 6:14

Ha henavogyon an Yedhewon a dhrehevis, ha sewena dre brofoesans Haggay an profoes ha Zekaria mab Iddo. Hag i worfennas drehevel herwydh gorhemmynn Duw Ysrael, ha herwydh arghadow Kyrus, ha Darius, hag Artakserkses myghternedh Persia.

Ezra 7:15

ha dhe dhoen an arghans ha'n owr a wra an myghtern ha'y gusulyadoryon profya a-vodh dhe Dhuw Ysrael, a'n jeves y drigva yn Yerusalem,

Ezra 7:17

Gans an arghans ytho ty a vydh diwysyk ow prena lodhnow, hordhes, hag eyn, gans aga offrynnow greun hag offrynnow diwes, ha ty a's offrynn war alter chi agas Duw usi yn Yerusalem.

Ezra 7:26

Ha piwpynag na vynno bos gostydh dhe lagha dha Dhuw ha lagha an myghtern, bedhes breus gwrys warnodho yn straght, po mernans, po divroedh, po kemmeryans y byth, po prisonyans.

Ester 8:14

An kannasow, marghogyon war vergh skav, askorr ryel, a ehwias yn-mes toeth da, ynniys gans gorhemmynn an myghtern. An arghadow a veu dyllys yn Shushan an bennsita.

Salmow 5:10

Gwra dhedha perthi kessydhyans aga fegh, A Dhuw; koedhens i der aga husulyow aga honan; towl i dhe-ves herwydh aga lies treuspass; rag i re sevis er dha bynn.

Eksodus 20:24

Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Ysay 60:12

Rag an genedhel ha'n ruvaneth na'th serv a verow; ha'n kenedhlow na a vydh distruys glan.

Obadia 1:10

Drefenn an ladhva ha'n garowder gwrys erbynn dha vroder Yakob, meth a wra dha gudha, ha ty a vydh treghys dhe-ves bynitha.

Oberow 9:5

Yn-medh ev, ‘Piw osta, Arloedh?’ Hag ev a leveris, ‘My yw Yesu, neb a helghydh.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 16:2

Sakrifi pask dhe'n Arloedh dha Dhuw dhiworth an deves po an chatel y'n tyller a wra an Arloedh y dhewis dhe wul dh'y hanow triga ena.