Ezra 5:16 - An Bibel Kernewek 20234 (Kernewek Kemmyn)

¹⁶ Ena an keth Sheshbassar a dheuth, ha settya selyow chi Duw usi yn Yerusalem: hag a-dhia'n eur na bys lemmyn ev re beu ow pos drehevys, ha nyns yw gorfennys hwath.’

Ezra 5:16 ပူးပေါင်းရင်းမြစ်များ

Ezra 3:10

Ha pan fondyas an weythoryon sel tempel an Arloedh, an oferysi yn aga dillas a dheuth yn-rag gans hirgern, ha'n Levysi mebyon Asaf gans symbalys, rag gormel an Arloedh, ow siwya kevarwoedhyans Davydh myghtern Ysrael.

Ezra 3:8

Y'n nessa blydhen wosa i dhe dhos dhe ji Duw yn Yerusalem, y'n nessa mis, Zerubbabel mab Shealtiel ha Yeshua mab Yosadak a dhallathas an ober, war-barth gans remenant aga breder, an oferysi ha'n Levysi, hag oll an re a dheuth mes a'n gethneth dhe Yerusalem. I a apoyntyas an Levysi, ugens bloedh po moy, dhe worweles ober chi an Arloedh.

Ezra 5:14

Ha'n lestri ynwedh gwrys a owr hag a arghans yn chi Duw, a wrug Nebukadnessar aga hemmeres mes a'n tempel usi yn Yerusalem, ha'ga dri a-ji dhe dempel Babylon – Kyrus an myghtern a's kemmeras mes a dempel Babylon, ha'ga ri dhe nebonan henwys Sheshbassar, neb a apoyntyas governour.

Ezra 5:15

Yn-medh ev dhodho, “Kemmer an lestri ma, ke, ha'ga gorra a-ji dhe'n tempel usi yn Yerusalem, ha gas chi Duw dhe vos dastrehevys yn y dyller.”

Ezra 5:2

Ena Zerubbabel mab Shealtiel, ha Yeshua mab Yosadak a sevis, ha dalleth dastrehevel chi Duw usi yn Yerusalem: ha gansa yth esa brofoesi Duw, orth aga gweres.

Ezra 6:15

Ha'n chi ma a veu kowlwrys yn tressa dydh an mis Adar, y'n hweghves blydhen a reyn Darius an myghtern.

Haggay 2:18

Prederewgh a-dhia'n jydh ma yn-rag, a-dhia'n peswora dydh warn ugens a'n nawves mis; a-dhia'n jydh may feu selys tempel an Arloedh, prederewgh!

Zekaria 4:10

Piw a fi an jydh a bythow byghan? I a wra lowenhe pan welons an plemmik yn leuv Zerubbabel. ‘An seyth ma yw lagasow an Arloedh a wander hys-ha-hys a-dro dhe'n nor.’

Zekaria 4:9

‘Diwla Zerubbabel a fondyas an chi ma; y dhiwla a wra y worfenna. Ena ty a woer y hwrug Arloedh an luyow ow dannvon dhis.

Yowann 2:20

Ena yn-medh an Yedhewon, ‘Hwegh blydhen ha dew-ugens yth esa an tempel ma ow pos drehevys, ha ty a'n drehav kyns penn trydydh?’