Ezra 5:14 - An Bibel Kernewek 20234 (Kernewek Kemmyn)

¹⁴ Ha'n lestri ynwedh gwrys a owr hag a arghans yn chi Duw, a wrug Nebukadnessar aga hemmeres mes a'n tempel usi yn Yerusalem, ha'ga dri a-ji dhe dempel Babylon – Kyrus an myghtern a's kemmeras mes a dempel Babylon, ha'ga ri dhe nebonan henwys Sheshbassar, neb a apoyntyas governour.

Ezra 5:14 ပူးပေါင်းရင်းမြစ်များ

2 Kroniklys 36:18

Oll lestri chi Duw, bras ha byghan, ha tresoryow chi an Arloedh, ha tresoryow an myghtern ha'y soedhogyon, oll an re ma ev a dhros dhe Babylon.

2 Kroniklys 36:7

Dres henna Nebukadnessar a dhros rann a'n lestri dhiworth chi an Arloedh dhe Babylon ha'ga gorra yn y balys yn Babylon.

Ezra 5:15

Yn-medh ev dhodho, “Kemmer an lestri ma, ke, ha'ga gorra a-ji dhe'n tempel usi yn Yerusalem, ha gas chi Duw dhe vos dastrehevys yn y dyller.”

Ezra 5:16

Ena an keth Sheshbassar a dheuth, ha settya selyow chi Duw usi yn Yerusalem: hag a-dhia'n eur na bys lemmyn ev re beu ow pos drehevys, ha nyns yw gorfennys hwath.’

Ezra 6:5

hag ynwedh bedhes daskorrys an lestri gwrys a owr hag a arghans a ji Duw, a wrug Nebukadnessar aga hemmeres yn-mes a'n tempel usi yn Yerusalem, ha'ga dri dhe Babylon, ha bedhens dres arta dhe'n tempel usi yn Yerusalem, kettep onan dh'y dyller; ha ty a's gorr yn chi Duw.

Ezra 7:27

Benniges re bo an Arloedh, Duw agan tasow, re worras mater a'n par ma yn kolonn an myghtern, rag ri enor dhe ji an Arloedh usi yn Yerusalem,

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Yeremia 52:19

Kapten an withysi a gemmeras an pojeryow ynwedh, an padellow-tan, an basonyow, an kalteryow, an golowbrennyer, ha'n bollow-offrynn, ha'n re owrek ha'n re arghansek.

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Haggay 1:14

Ha'n Arloedh a wrug dhe spyrys Zerubbabel mab Shealtiel, governour Yuda, difuna, ha spyrys an arghoferyas Yoshua, mab Yosedek, ha spyrys oll remenant an bobel; hag i a dheuth hag oberi yn chi Arloedh an luyow, aga Duw,

Haggay 2:2

Lavar hemma dhe Zerubbabel mab Shealtiel, governour Yuda ha dhe'n arghoferyas Yoshua mab Yosedek, ha dhe remenant an bobel:

Haggay 2:21

Lavar hemma dhe Zerubbabel, governour Yuda: My a wra an nevow ha'n norvys dhe grena;

Oberow 13:12

Ena an prokonsul, ow kweles an pyth a hwarva, a grysis, rag marth bras a'n jeva a dhyskas an Arloedh.