Ezra 5:11 - An Bibel Kernewek 20234 (Kernewek Kemmyn)

¹¹ Ha hemma yw an gorthyp a rosons dhyn: ‘Servysi Duw nev ha leur on ni, hag yth esons ow dastrehevel an chi a veu drehevys nans yw lies blydhen, may hwrug myghtern bras a Ysrael y dhrehevel ha gorfenna.

Ezra 5:11 ပူးပေါင်းရင်းမြစ်များ

Jenesis 24:3

ha my a wra dhis ti re'n Arloedh, Duw an nevow ha Duw an norvys, na wre'ta kemmeres gwreg rag ow mab a vyrghes an Kananysi, mayth esov trigys yn aga mysk.

1 Myghternedh 6:38

Y'n unnegves blydhen, y'n mis Bul, hag yw an ethves mis, an chi a veu gorfennys yn oll y rannow, ha herwydh oll y dhesinyow. Ytho ev a spenas seyth blydhen orth y dhrehevel.

1 Myghternedh 9:10

Dhe benn ugens blydhen, may trehevis Solomon an dhew ji ynna, chi an Arloedh ha chi an myghtern,

Ezra 5:10

Ynwedh, ni a wovynnas orta aga henwyn rag avisya dhis, may skriffyn henwyn an wer o aga ledyoryon.

Salmow 119:46

My a gews a'th tustuniow a-dherag myghternedh, ha ny borthav meth.

Salmow 136:26

Grassewgh dhe Dhuw an nev, rag y dregeredh a dhur bys vykken.

Daniel 3:26

[93] Ena Nebukadnessar a dheuth nes dhe daras an fornes a dan ow flammya, ha leverel: ‘A Shadrak, Meshak hag Abednego, hwi servysi a Dhuw Ughella, dewgh yn-mes, ha dewgh omma!’ Ena Shadrak, Meshak hag Abednego a dheuth yn-mes a gres an tan.

Yona 1:9

Yn-medh ev dhedha, ‘Ebrow ov vy, ha my a berth own a'n Arloedh, Duw an nev, neb a formyas an mor ha'n tir sygh.’

Matthew 10:32

‘Piwpynag ytho a'm aswonno a-rag tus, an keth den na my a'n aswonn a-rag ow Thas eus y'n nevow;

Luk 12:8

‘Ha my a lever dhywgh, piwpynag a wrello ow aswonn a-rag tus, Mab an den ynwedh a wra y aswonn a-rag eledh Duw.

Oberow 27:23

Rag nyhewer y sevis rybov el a'n Duw neb a'm piw hag ynwedh neb a servyav,

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 6:16

A ny wodhowgh hwi mar omrowgh dhe nebonan avel kethyon wostydh, hwi dhe vos kethyon poran dhe'n den na mayth owgh gostydh dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

Galatianys 6:14

Bynner re bo bostyans dhymmo vy, saw yn krows agan Arloedh Yesu Krist, ha dredhi an bys ma krowsys dhymm ha my dhe'n bys.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’