Ezra 4:24 - An Bibel Kernewek 20234 (Kernewek Kemmyn)

²⁴ Yndella yn eur na ober chi Duw usi yn Yerusalem a hedhis, ha pesya yndella bys y'n nessa blydhen a reyn Darius myghtern Persia.

Ezra 4:24 ပူးပေါင်းရင်းမြစ်များ

Ezra 3:8

Y'n nessa blydhen wosa i dhe dhos dhe ji Duw yn Yerusalem, y'n nessa mis, Zerubbabel mab Shealtiel ha Yeshua mab Yosadak a dhallathas an ober, war-barth gans remenant aga breder, an oferysi ha'n Levysi, hag oll an re a dheuth mes a'n gethneth dhe Yerusalem. I a apoyntyas an Levysi, ugens bloedh po moy, dhe worweles ober chi an Arloedh.

Ezra 4:23

Ena, pan veu lennys dasskrif lyther myghtern Artakserkses a-rag Rehum, ha Shimshay an skrifwas, ha'ga heskowetha, i eth war-not dhe Yerusalem, dhe'n Yedhewon, ha'ga honstryna dhe hedhi dre nerth ha galloes.

Ezra 4:5

Hag i a falswobras kusulyadoryon er aga fynn, dhe lesta aga thowl, der oll dydhyow Kyrus myghtern Persia, bys yn reyn Darius myghtern Persia.

Ezra 5:1

Ena an brofoesi, Haggay ha Zekaria mab Iddo, a brofoesas dhe'n Yedhewon esa yn Yuda ha Yerusalem yn hanow Duw Ysrael, esa warnedha.

Ezra 5:5

Mes yth esa lagas aga Duw ow kwitha war henavogyon an Yedhewon, ma na wrussons aga lettya, bys pan dheffa an derivas dhe Darius: ha bys pan vo degemmerys gorthyp dre lyther dhe'n mater ma.

Ezra 6:1

Ena Darius an myghtern a dhellos arghadow, hag i a hwilas yn lyverva an dresorva, yn tyller mayth esa gwithys an tresoryow yn Babylon.

Ezra 6:14

Ha henavogyon an Yedhewon a dhrehevis, ha sewena dre brofoesans Haggay an profoes ha Zekaria mab Iddo. Hag i worfennas drehevel herwydh gorhemmynn Duw Ysrael, ha herwydh arghadow Kyrus, ha Darius, hag Artakserkses myghternedh Persia.

Ezra 6:15

Ha'n chi ma a veu kowlwrys yn tressa dydh an mis Adar, y'n hweghves blydhen a reyn Darius an myghtern.

Nehemia 6:3

Ha my a dhannvonas kannasow dhedha, ow leverel, ‘Yth esov ow kul ober meur ha ny allav dos yn-nans. Prag y hedh an ober ha my orth y asa hag ow tos yn-nans dhywgh?’

Nehemia 6:9

Rag i oll a vynnas agan ownekhe, ow prederi, ‘Aga diwla a vydh re wann rag an ober, ha ny vydh kollenwys.’ Lemmyn ytho, A Dhuw, krevha ow diwla.

Job 20:5

mayth yw heudh an re dhidhuw berr, hag unn pols byghan yw lowena an debelwas?

Daniel 11:2

‘Ha lemmyn y tispletyav dhis an gwiryonedh. Otta, y hwra tri myghtern moy sevel yn Persia, hag y fydh an peswora moy rych yn feur agessa i oll; ha pan vydh ev galloesek der y rychys, y hwra ev dhe beub difuna erbynn an ruvaneth Grek.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Haggay 1:15

y'n peswora dydh warn ugens y'n hweghves mis, y'n nessa blydhen a Darius an myghtern.

Haggay 2:15

Ha lemmyn, my a'gas pys, prederewgh a-dhia'n jydh ma yn-rag, kyns men dhe vos gorrys war ven yn tempel an Arloedh,

Haggay 2:18

Prederewgh a-dhia'n jydh ma yn-rag, a-dhia'n peswora dydh warn ugens a'n nawves mis; a-dhia'n jydh may feu selys tempel an Arloedh, prederewgh!

Zekaria 1:1

Y'n ethves mis an nessa blydhen Darius, ger an Arloedh a dheuth dhe'n profoes Zekaria mab Berekia, mab Iddo, ow leverel:

1 Thessalonianys 2:18

Rakhenna, ni a vynna dos dhywgh hwi, my Powl unnweyth ha diwweyth, ha Satnas a'gan lettyas.