Ezra 4:20 - An Bibel Kernewek 20234 (Kernewek Kemmyn)

²⁰ Byttegyns, re beu myghternedh galloesek dhe Yerusalem, neb a rewlyas oll an rannvro Dres-an-Avon; ha toll-benn ha toll-wara, ha toll-dir, a veu tylys dhedha.

Ezra 4:20 ပူးပေါင်းရင်းမြစ်များ

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

1 Myghternedh 4:24

Rag ev a'n jevo mestrynses war oll an ranndir a'n gorlewin dhe'n avon a Tifsagh bys yn Gaza, war oll an vyghternedh a'n gorlewin dhe'n avon; hag ev a'n jevo kres a bub tu.

1 Myghternedh 5:1

Hiram myghtern Tyr a dhannvonas y wesyon dhe Solomon, pan glewas i dh'y untya myghtern yn le y das; rag Hiram o pup-prys koweth dhe Davydh.

1 Myghternedh 5:4

Mes lemmyn an Arloedh ow Duw re ros powes dhymm a bub tu; nyns eus na eskar na drog hwarvedhyans.

1 Kroniklys 18:13

Ev a settyas savleow-gwithysi yn Edom; hag oll an Edomysi a dheuth ha bos gostydh dhe Davydh. Ha'n Arloedh a ros trygh dhe Davydh plepynag yth e.

1 Kroniklys 18:3

Davydh a weskis Hadadezer myghtern Soba Hamath, pan esa ow mos dhe fastya y vaystri ryb an avon Ewfrates.

1 Kroniklys 18:6

Ena Davydh a settyas savleow-gwithysi yn Aram Damaskus; hag Aram eth ha bos gostydh dhe Davydh, ow tri trubyt. Yth esa an Arloedh ow ri trygh dhe Davydh plepynag yth e.

1 Kroniklys 19:19

Pan wodhva Aram aga bos fethys gans Ysrael, i a wrug kres gans Davydh, hag eth ha bos gostydh dhodho. Ytho ny vynnas Aram sawya an Ammonysi nevra namoy.

2 Kroniklys 17:11

Re a'n Filistysi a dhros trubyt dhe Yehoshafat, ha shour a arghans; ha'n Arabyon ynwedh a dhros dhodho seyth kans hordh, ha seyth kans gaver gorow ha seyth mil.

2 Kroniklys 9:14

dres an pyth o dres gans an wikoryon ha gans an varchons; hag oll myghternedh Arabia ha governours an tir a dhros owr hag arghans dhe Solomon.

Ezra 4:13

Re bo godhvedhys lemmyn dhe'n myghtern, mar pydh drehevys an sita ma, ha'n fosow gorfennys, alena ny dalvydhons na toll-benn, na toll-wara, na toll-dir, ha les an myghternedh a vydh aperys yn sur.

Ezra 4:16

Ni a dheriv dhe'n myghtern, mar pydh an sita ma dastrehevys, ha'y fosow gorfennys, ena ny vydh perghennogeth dhis y'n rannvro Dres-an-Avon.

Ezra 4:19

Ytho my a dhellos arghadow, hag i a hwithras, ha dyski an sita ma dhe omsevel a-henys erbynn myghternedh, ha rebellyans hag ankres re beu gwrys ynni.

Ezra 4:21

Dyllewgh ytho arghadow mayth ynnier an wer ma dhe hedhi, ha na vo an sita ma drehevys, bys pan vo arghadow dyllys dhiworthiv.

Ezra 7:24

Bedhewgh avisys ynwedh, na vydh laghel beghya na toll-benn, na toll-wara, na toll-dir war dhenvyth a'n oferysi an Levysi, an ganoryon, an borthoryon, gwesyon an tempel, na servysi erell a'n chi ma a Dhuw.

Salmow 72:8

Re'n jeffo maystri a vor dhe vor, ha dhiworth an avon bys yn pennow an norvys.

Kynvannow 1:1

1 Ass yw an sita owth esedha digoweth hag o leun a dus! Ass yw hi gyllys kepar ha gwedhwes, hag o meur y'n kenedhlow! Neb o pennseviges y'n powyow re beu gorrys yn keth dhe hwel krev.

Ezekiel 19:11

Hi a's teva garrow krev gwiw rag ternwelennow rewloryon. Ughel o hi a-ugh an skorrennow tew; hewel o hi yn hy ughelder gans lanwes hy del.

Matthew 9:9

Ha Yesu ow tremena alena a welas den o esedhys orth an dollva, Matthew henwys, ha dhodho y leveris, ‘Gwra ow holya.’ Hag ev a sevis yn-bann hag a'n holyas.