Ezra 4:15 - An Bibel Kernewek 20234 (Kernewek Kemmyn)

¹⁵ may hwiller yn lyver kovadhow dha dasow: yndella ty a gyv yn lyver an kovadhow, ha dyski bos an sita ma sita dhiwostydh, hag a wra pystiga myghternedh ha rannvroyow, hag rebellyans re sordyas ynni a-henys: rakhenna an sita ma a veu difeythys.

Ezra 4:15 ပူးပေါင်းရင်းမြစ်များ

2 Myghternedh 24:20

Dhe wir, kemmys y sorras Yerusalem ha Yuda an Arloedh ma's estewlis dhiworth y lok. Sedekia a rebellyas erbynn myghtern Babylon.

2 Myghternedh 25:4

Ena aswa a veu gwrys yn fos an sita. Oll an soudoryon eth yn-mes y'n nos der an yet yntra diw fos, ogas dhe lowarth an myghtern, ha'n Kaldeanys ow kyrghynna an sita. I eth war an fordh troha'n Araba.

Ezra 4:12

Re bo godhvedhys dhe'n myghtern, an Yedhewon neb a dheuth yn-bann a-dhiworthis dhyn ni re dheuth dhe Yerusalem. Yth esons ow trehevel an sita dhiwostydh ha drog na, ow korfenna hy fosow, hag owth ewnhe hy selyow.

Ezra 4:14

Lemmyn, drefenn agan bos ow tybri hoelan palys an myghtern, ha nag o gwiw ni dhe weles disenor an myghtern, rakhenna ni re dhannvonas rag may fo godhvedhys dhe'n myghtern,

Ezra 4:16

Ni a dheriv dhe'n myghtern, mar pydh an sita ma dastrehevys, ha'y fosow gorfennys, ena ny vydh perghennogeth dhis y'n rannvro Dres-an-Avon.

Nehemia 2:19

Mes pan glewas Sanballat an Horonyas, ha Tobia an gwas, an Ammonyas, ha Geshem an Arab a-dro dh'agan towlow, i a wrug ges ahanan ha'gan dispresya, ow leverel, ‘Pyth yw an dra ma esowgh hwi ow kul? Esowgh hwi ow rebellya erbynn an myghtern?’

Nehemia 6:6

Ynno y feu skrifys, ‘Derivys yw yn mysk an kenedhlow – ha Gashmu a'n lever ynwedh – ty ha'n Yedhewon dhe vynnes rebellya; henn yw prag yth es'ta ow tastrehevel an fos; may fi aga myghtern, war-lergh an geryow ma.

Ester 2:23

Pan veu gwrys hwithrans a-dro dhe'n mater, ha kevys veu bos yndella, kregys vons i aga dew war wydhenn: ha skrifys veu yn lyver an kovadhow a-dherag an myghtern.