Ezra 3:13 - An Bibel Kernewek 20234 (Kernewek Kemmyn)

¹³ ma na allas an bobel dissernya yntra tros garm a lowena ha tros oelva an bobel: rag an bobel a armas gans arm ughel, ha'n son a veu klewys y'n pellder.

Ezra 3:13 ပူးပေါင်းရင်းမြစ်များ

1 Myghternedh 1:40

Hag oll an bobel eth yn-bann war y lergh, ha'n bobel a hwythas an pibow, hag a lowenhas gans joy bras, may feu folsys an dor gans an son anedha.

1 Myghternedh 1:45

Ha Sadok an oferyas ha Nathan an profoes re'n untyas avel myghtern yn Gihon; hag i res eth yn-bann alena ow lowenhe, may ma an sita yn tervans. Hemm yw an tros a glewsowgh.

Ezra 3:12

Mes lies a'n oferysi ha'n Levysi ha pennow an tasow, henavogyon hag a welas an kynsa chi, a oelas gans lev ughel pan welsons sel an chi ma fondys a-rag aga dewlagas, mes lies anedha a armas yn ughel gans lowena,

Ezra 4:1

Pan glewas eskerens Yuda ha Benyamin mebyon an divroedh dhe dhrehevel tempel rag an Arloedh, Duw Ysrael,

Nehemia 12:43

Ha'n jydh na i a offrynnas sakrifisow bras ha lowenhe. Rag Duw a wrug dhedha lowenhe gans lowena bras; ha'n benynes ha'n fleghes a lowenhas ynwedh. Ha heudhder Yerusalem a veu klewys y'n pellder.

Salmow 5:11

Mes lowenhes seul a hwila skovva ynnos, kanens i rag joy bynitha, rag ty dh'aga gwitha, ha bedhes heudhik ynnos an re a gar dha hanow.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Yeremia 50:4

Y'n dydhyow na hag y'n termyn na, yn-medh an Arloedh, pobel Ysrael a dheu, i ha pobel Yuda war-barth; i a dheu yn unn oela ow hwilas an Arloedh aga Duw.

Zekaria 4:7

Piw osta, A venydh krev? A-rag Zerubbabel y fydhydh gwastattir. Ena ev a wra dri yn-mes an pennmen, hag i ow karma, “Ras! Ras dhodho!” ’

Breusysi 2:5

Ytho i a henwis an tyller na Bokim; hag i a wrug offrynnow dhe'n Arloedh ena.

1 Samuel 4:5

Pan dheuth argh kevambos an Arloedh a-bervedh y'n kamp, oll Ysrael a armas gans garm ughel, may tassonas an dor.