Ezra 10:18 - An Bibel Kernewek 20234 (Kernewek Kemmyn)

¹⁸ Yn-mysk mebyon an oferysi, an re a siw re gemmersa gwragedh estren. A vebyon Yeshua mab Yosadak, ha'y vreder: Maaseya, Eliezer, Yarib, ha Gedalia.

Ezra 10:18 ပူးပေါင်းရင်းမြစ်များ

Ezra 10:17

Hag i a worfennas dyghtya oll an wer a gemmeras gwragedh estren erbynn an kynsa dydh a'n kynsa mis.

Ezra 2:2

I a dheuth gans Zerubbabel, Yeshua, Nehemia, Seraya, Reelaya, Mordekay, Bilshan, Mispar, Bigvay, Rehum, Baana. Niver gwer pobel Ysrael:

Ezra 2:36

An oferysi: mebyon Yedaya, dhiworth chi Yeshua, naw kans, trydhek ha tri-ugens.

Ezra 3:2

Ena Yeshua mab Yosadak a sevis, ha'y vreder an oferysi, ha Zerubbabel mab Shealtiel ha'y vreder, hag i a dhrehevis alter Duw Ysrael rag offrynna offrynnow leskys warnedhi, dell yw skrifys yn lagha Moyses gour Duw.

Ezra 3:8

Y'n nessa blydhen wosa i dhe dhos dhe ji Duw yn Yerusalem, y'n nessa mis, Zerubbabel mab Shealtiel ha Yeshua mab Yosadak a dhallathas an ober, war-barth gans remenant aga breder, an oferysi ha'n Levysi, hag oll an re a dheuth mes a'n gethneth dhe Yerusalem. I a apoyntyas an Levysi, ugens bloedh po moy, dhe worweles ober chi an Arloedh.

Ezra 5:2

Ena Zerubbabel mab Shealtiel, ha Yeshua mab Yosadak a sevis, ha dalleth dastrehevel chi Duw usi yn Yerusalem: ha gansa yth esa brofoesi Duw, orth aga gweres.

Ezra 9:1

Wosa an taklow ma dhe vos kowlwrys, an bennsevigyon a dheuth dhymm, ow leverel, ‘Ny wrug pobel Ysrael, ha'n oferysi ha'n Levysi, dibarth yntra i ha kenedhlow an broyow, ow kul herwydh aga thaklow kasadow, kepar ha'n Kananysi, an Hittysi, an Perizzysi, an Yebusysi, an Ammonysi, an Moabysi, an Ejyptianys, ha'n Amorysi.

Ezra 9:2

Rag i re gemmeras re a'ga myrghes ragdha aga honan, ha rag aga mebyon: yndellma i re gemmyskas an has sans gans tus an broyow na: yn hwir, leuv an bennsevigyon ha'n soedhogyon re beu y'n voward y'n dislelder ma.’

Nehemia 12:10

Ha Yeshua a dhineythis Yoyakim, Yoyakim a dhineythis Elyashib, hag Elyashib a dhineythis Yoyada,

Nehemia 13:28

Onan a vebyon Yoyada mab Elyashib an arghoferyas, o deuv dhe Sanballat an Horonyas; rakhenna my a'n pellhas yn-mes a'm lok.

Nehemia 8:4

Hag Ezra an skriba a sevis war arethva a brenn re wrussons rag an porpos; ha rybdho y sevis Mattithia, Shema, Anaya, Uria, Hilkia, ha Maaseya, a dhyghow dhodho; hag a-gledh dhodho, Pedaya, Mishael, Malkia, Hashum, Hashbaddana, Zekaria ha Meshullam

Nehemia 8:7

Ynwedh Yeshua, Bani, Sherebia, Yamin, Akkub, Shabbethay, Hodia, Maaseya, Kelita, Azaria, Yozabad, Hanan, ha Pelaya, an Levysi, a weresas an bobel dhe gonvedhes an lagha, ha'n bobel ow kortos yn aga thyller.

Yeremia 23:10

Rag an tir yw leun a avoutroryon; drefenn an molleth an tir a dhesygh, ha peurvaow an difeythtir yw krinys. Aga hyns yw drog, ha'ga nerth nyns yw ewn.

Yeremia 23:11

Rag ha profoes hag oferyas yw ansans; hwath yn ow chi my re gavas aga drogedh, yn-medh an Arloedh.

Yeremia 23:14

Hag yn profoesi Yerusalem: my re welas tra skruthus: avoutri a wrons, ha kerdhes yn gowyow; i a grevha diwla an dhrogoberoryon, ma na dreyl nagonan a-dhiworth y dhrogedh; yth yns i oll avel Sodom dhymm, ha'y annedhysi avel Gomorra.

Ezekiel 44:22

Ny dhemmedh gwedhwes, na benyn dhidhemmedhys, mes gwyrghes a has chi Ysrael, po gwedhwes neb yw gwedhwes oferyas.

Levitikus 21:7

Ny gemmerons yn demmedhyans gwreg a vo hora na defolys, ha ny gemmerons benyn didhemmedhys a'y gour, rag sans yw ev dh'y Dhuw.

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Haggay 1:12

Ena Zerubbabel mab Shealtiel ha'n arghoferyas Yoshua mab Yosedek, gans oll remenant an bobel, a obayas lev an Arloedh aga Duw, ha geryow an profoes Haggay, dell y'n dannvonsa an Arloedh aga Duw, ha'n bobel a gemmeras own a-dherag an Arloedh.

Haggay 2:4

Mes lemmyn bydh kolonnek, A Zerubbabel, yn-medh an Arloedh, ha bydh kolonnek, A arghoferyas Yoshua mab Yosedek, ha bedhewgh kolonnek, oll pobel an vro, yn-medh an Arloedh, hag oberewgh, drefenn ow bos genowgh, yn-medh Arloedh an luyow.

Zekaria 3:1

Ena ev a dhiskwedhas dhymm Yoshua an arghoferyas ow sevel a-rag el an Arloedh, ha Satnas ow sevel a-dhyghow dhodho dh'y guhudha.

Zekaria 6:11

Kemmer arghans hag owr ha gwra kurun, ha'y gorra war benn Yoshua mab Yehosadak, an arghoferyas.

1 Timothi 3:11

Yn kepar maner, y koedh dh'aga gwragedh bos sad; na vedhens hwedhloresow, mes klor ha lel yn pup-tra.