Ezra 10:14 - An Bibel Kernewek 20234 (Kernewek Kemmyn)

¹⁴ Lemmyn gwres agan rewloryon bos yn le oll an kuntelles, ha gwres oll trigys yn agan sitys hag a gemmeras gwragedh estren dos yn termynyow apoyntys, ha gansa henavogyon ha breusysi pub sita, bys pan vo sorr fell agan Duw drefenn an mater ma treylys dhiworthyn.’

Ezra 10:14 ပူးပေါင်းရင်းမြစ်များ

2 Myghternedh 23:26

Hwath ny dreylyas an Arloedh dhiworth fellder y sorr bras, a dhewis erbynn Yuda, drefenn oll an taklow re wrussa Manasse dhe brovokya y sorr.

2 Kroniklys 28:11

Lemmyn klewewgh hemma, ha daskorrewgh an gethyon re gemmersowgh dhiworth agas breder, rag yma konnar fell an Arloedh warnowgh.’

2 Kroniklys 29:10

Yndella yma y'm kolonn gul kevambos gans an Arloedh Duw Ysrael, rag may treyllyo y sorr dhiworthyn.

2 Kroniklys 30:8

Na vedhewgh kales agas kilbenn lemmyn dell vedha agas tasow; ystynnewgh leuv dhe'n Arloedh ha dewgh dh'y sentri, re sakras bys vykken, ha servyewgh an Arloedh rag may treyllyo y gonnar dhiworthowgh.

Ezra 10:13

Mes yma meur a bobel, ha termyn a law yw, ma na yllyn ni sevel a-ves; ynwedh nyns yw hemma ober dhe unn jydh po dhew: rag lies ahanan re gammdremenas y'n mater ma.

Ezra 10:15

Yonathan mab Asahel ha Yahzia mab Tikva hepken a omsettyas orth hemma, ha Meshullam ha Shabbethay an Levyas a's skoedhyas.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Niverow 25:4

ha'n Arloedh a leveris dhe Moyses, ‘Kemmer oll pennow an bobel, ha'ga kregi y'n howl a-rag an Arloedh, may treyllyo sorr fers an Arloedh dhiworth Ysrael.’

Dewteronomi 13:17

Ny len orth dha leuv travyth dhiworth an difenn, rag may treyllyo an Arloedh dhiworth y sorr fers, ha may rollo dhis piteth, ha kemmeres truedh ahanas, ha'th kressya kepar dell dos dhe'th tasow,

Dewteronomi 17:9

Ty a dheu dhe'n oferysi leviek, ha dhe'n breusyas a serv y'n dydhyow na, ha govynn; hag i a dheriv dhis ervirans an vreus.

Yoshua 7:26

ha drehevel a-ughto kals meyn usi ena bys y'n jydh ma. Ena an Arloedh a dreylyas dhiworth y sorr fers. Ytho hanow an tyller na re beu nans Aghor bys y'n jydh ma.