Ezekiel 9:8 - An Bibel Kernewek 20234 (Kernewek Kemmyn)

⁸ Pan esons ow kweskel, ha my gesys ow honan, my a goedhas war ow fas ha garma, ha leverel, ‘Ogh Arloedh Duw! A dhiswredh oll remenant Ysrael, ha ty ow tiveri dha gonnar war Yerusalem?’

Ezekiel 9:8 ပူးပေါင်းရင်းမြစ်များ

Jenesis 18:23

Abraham a dheuth nes ha leverel, ‘A vynn'ta diswul hwath an re wiryon gans an re dhrog?

1 Kroniklys 21:16

Davydh a dhrehevis y dhewlagas ha gweles el an Arloedh ow sevel yntra nor ha nev, hag yn y leuv kledha noeth ystynnys yn-mes war Yerusalem. Y'n eur na Davydh ha'n henavogyon, gwiskys yn yskar, a goedhas war aga fas.

Ezra 9:5

Hag orth offrynn an gorthugher my a sevis a-dhiworth ow uvelheans; ha'm dillas ha'm mantell skwardys, my a goedhas war benn-dewlin, ha lesa ow diwla dhe'n Arloedh ow Duw,

Yeremia 14:13

Ena my a leveris, ‘A Arloedh Duw! Otta, an brofoesi a lever dhedha, “Ny welowgh an kledha, na hwath ny'gas beus divoetter; mes my a re dhywgh kres sur y'n tyller ma.” ’

Yeremia 14:19

A wruss'ta denagha Yuda yn tien? A wrug dha enev kasa Sion? Prag y hwruss'ta agan gweskel ma na vydh yaghheans dhyn? Ni a hwilas kres mes nyns eus dader: rag termyn yeghes, hag otta browagh.

Yeremia 4:10

Ena my a leveris, ‘Ogh A Arloedh Duw! Yn sur ty re doellas an bobel ma ha Yerusalem, ow leverel, “Kres a'gas bydh”; mes seulabrys an kledha a dhrehedh bys y'n enev.’

Ezekiel 11:13

Lemmyn pan esen vy ow profoesa, Pelatia mab Benaya a verwis. Ena my a goedhas war ow fas ha kria gans lev ughel, ha leverel, ‘Ogh Arloedh Duw! A vynnydh dhiswul remenant Ysrael?’

Ezekiel 4:14

Ena my a leveris, ‘Ogh Arloedh Duw, otta, ny veu ow enev defolys, ha karynyes ha kig skwardys gans bestes gwyls ny dhybris a-dhia'm yowynkneth bys lemmyn, ha kig avlan ny dheuth y'm ganow.’

Ezekiel 7:8

Lemmyn a verr spys my a dhinwa ow honnar warnas, ha'y kowlwul ow sorr er dha bynn; my a'th vreus war-lergh dha fordhow, hag attyli dhis rag oll dha daklow kasadow.

Niverow 14:5

Ena Moyses hag Aron a goedhas war aga fas a-rag an gemmynieth oll a guntelles mebyon Ysrael.

Niverow 16:4

Pan y'n klewas Moyses, ev a goedhas war y fas;

Niverow 16:45

‘Kewgh dhe-ves a-dhiworth an kuntelles ma, may hylliv aga howlleski yn unn lamm.’ Hag i a goedhas war aga fas.

Dewteronomi 9:18

Ena my a goedhas dhe'n dor a-rag an Arloedh avel kyns, dewgens dydh ha dewgens nos; ny dhybris bara nag eva dowr, rag oll agas pegh a beghsowgh, ow kul drog a-wel an Arloedh, dh'y brovokya dhe sorr.

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.