Ezekiel 9:6 - An Bibel Kernewek 20234 (Kernewek Kemmyn)

⁶ Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

Ezekiel 9:6 ပူးပေါင်းရင်းမြစ်များ

Jenesis 4:15

Hag yn-medh an Arloedh dhodho, ‘Ytho piwpynag a lattho Kayn, y fydh dial tylys warnodho seythgweyth.’ Ha'n Arloedh a worras tokyn war Kayn, na wrella denvyth a'n kaffa y weskel.

2 Kroniklys 36:17

Ev a dhros er aga fynn myghtern an Kaldeanys, hag ev a ladhas aga gwer yowynk gans an kledha yn chi aga sentri; ny'n jevo truedh naneyl war our yowynk na moren, na war henavek na krebogh; ev a's ros pub den oll yn y leuv.

Eksodus 12:23

Rag an Arloedh a wra tremena dhe weskel an Ejyptianys, ha pan wel goes war benn an daras ha'n dhew bost-daras, an Arloedh a wra tremena dres an daras, ha ny wra gasa an distruer dhe entra agas chiow dh'agas gweskel.

Yeremia 16:6

Ha'n re veur ha'n re vyghan a verow y'n tir ma: ny vydhons ynkleudhys na ny vydh kynvann ragdha, na ny wrons omhakkya na omvoelhe ragdha.

Yeremia 25:29

Otta, yth esov ow talleth dri drogedh war an sita may feu ow hanow gelwys warnedhi, hag a vydhowgh digeredh yn tien? Ny vydhowgh digeredh, rag yth esov ow kelwel kledha erbynn oll annedhysi an nor, yn-medh Arloedh an luyow.

Yeremia 44:7

Ytho lemmyn, yndellma y lever an Arloedh, Duw an luyow, Duw Ysrael: Prag y hwrewgh an drogedh meur ma er agas pynn agas honan, dhe derri yn-mes a Yuda gour ha benyn, flogh ha baban, ma na vo remenant gesys;

Yeremia 44:8

orth ow frovokya dhe sorr gans ober agas diwleuv, ow leski offrynnow dhe dhuwow erell yn pow Ejyp, le may teuthewgh dhe driga, rag distrui agas honan, ha bos molleth ha keredh yn mysk oll kenedhlow an nor?

Yeremia 6:11

Ytho leun ov vy a gonnar an Arloedh; skwith ov vy owth omfronna. Gwra hy dinewi war an fleghes y'n stret, ha war guntelles an wer yowynk maga ta: rag hwath an gour gans an wreg a vydh maglennys, an henavek ha'n den leun a dhydhyow.

Yeremia 9:21

‘Ankow re dheuth yn-bann dh'agan fenestri, hag entra yn agan lysyow, dhe dreghi an fleghes dhiworth an stretys, ha'n wer yowynk dhiworth an plenys.’

Ezekiel 11:1

Ena an spyrys a'm drehevis ha'm dri dhe yet est chi an Arloedh, a vir troha'n est. Hag otta, orth an yet yth esa pymp gour warn ugens, ha my a welas yn aga mysk Yaazania mab Azzur, ha Pelatia mab Benaya, pennsevigyon an bobel.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Ezekiel 9:5

Dhe'n re erell y leveris, ha my ow klewes, ‘Tremenewgh dre'n sita war y lergh ha gweskewgh; na wres agas lagas kemmeres truedh, ha na gemmerewgh piteth.

Amos 3:2

Hwi unnsel a aswonnis vy yn-mes a oll teyluyow an nor; rakhenna my a wra agas kessydhya rag agas drogoberow oll.

Luk 12:47

Ha'n kethwas na neb a wodhva bodh y vester mes ny ombareusis ha ny wrug herwydh y vodh a vydh gweskys gans strokosow pals.

Dewteronomi 2:34

Ha ni a gemmeras oll y drevow y'n termyn na, ha sakra pub tre dhe dhistruyans, gwer, benynes, ha fleghes; ny essyn denvyth dhe skapya.

Dewteronomi 3:6

Ni a's sakras dhe dhistruyans kepar dell wrussyn dhe Sihon myghtern Heshbon, ow tistrui pub tre, gwer, benynes, ha fleghes.

Dewteronomi 32:23

My a worr bern a dhrogow warnedha; oll ow sethow a spenav warnedha.

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

Diskwedhyans 14:4

An re ma yw neb na veu mostys gans benynes, rag aga bos chast. An re ma yw neb a hol an Oen py le pynag yth ello. An re ma a veu prenys dhiworth mab-den, kynsa frut dhe Dhuw ha dhe'n Oen.

Diskwedhyans 7:3

ow leverel, ‘Na wrewgh pystiga an dor, na'n mor, na'n gwydh erna sellyn gwesyon agan Duw war aga thal.’

Diskwedhyans 9:4

Hag y feu erghys dhedha na bystikkens gwels an dor, na travyth gwer, na gwydhenn vyth, marnas an dus na yn unnsel na's teffo sel Duw war aga thal.

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’