Ezekiel 9:2 - An Bibel Kernewek 20234 (Kernewek Kemmyn)

² Hag otta, hwegh gour ow tos dhiworth fordh an yet wartha, a vir troha'n gledhbarth, peub gans arv a dhistruyans yn y leuv. Unn gour yn aga mysk o gwiskys yn lien gans daffar skrifyas war y glun. I a dheuth a-ji, ha sevel ryb an alter a vrons.

Ezekiel 9:2 ပူးပေါင်းရင်းမြစ်များ

2 Myghternedh 15:35

Byttegyns ny veu an tylleryow ughel kemmerys dhe-ves; an bobel a besyas sakrifia ha leski offrynnow y'n tylleryow ughel. Ev a dhrehevis yet wartha chi an Arloedh.

2 Kroniklys 27:3

Ev a dhrehevis an yet wartha yn chi an Arloedh, hag a wrug drehevyansow pals war fos Ofel.

2 Kroniklys 4:1

Ev a wrug alter a vrons, ugens kevelin hy hys, ugens kevelin hy les, ha deg kevelin hy ughelder.

Eksodus 40:29

Hag ev a settyas alter an offrynn leskys dhe dharas tabernakel tylda an kuntelles, hag offrynna warnedhi an offrynn leskys ha'n offrynn greun; dell worhemmynnsa an Arloedh dhe Moyses.

Yeremia 1:15

Rag, otta, my a wra gelwel oll teyluyow gwlaskordhow an gogledh, yn-medh an Arloedh; hag i a wra dos, hag i a wra settya pubonan y dron dhe entrans yetow Yerusalem, hag erbynn an fosow anedhi a-derdro, hag erbynn sitys oll Yuda.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 26:10

Pan glewas pennsevigyon Yuda an traow ma, i a dheuth yn-bann a-dhiworth chi an myghtern dhe ji an Arloedh hag esedha yn entrans yet nowydh chi an Arloedh.

Yeremia 4:6

Drehevewgh baner war-tu ha Sion: hwilewgh sawder, na wortewgh: rag my a dhre droktra a'n gogledh, ha distruyans meur.

Ezekiel 10:2

Ena ev a leveris dhe'n gour o gwiskys yn lien, ‘Ke a-ji dhe'n tyller ynter an rosow yn-dann an cherub. Lanw dha dhiwla a golennow tan dhiworth an tyller ynter an cherubim, ha'ga skattra war an sita.’ Hag ev a entras a-rag ow dewlagas.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Ezekiel 9:11

Ena an gour gwiskys yn lien, gans daffar skrifyas war y glun, a worthybis, ow leverel: ‘My re wrug dell worhemmynsys dhymm.’

Ezekiel 9:3

Ha glori Duw Ysrael eth yn-bann a-dhiwar an cherub may fia warnodho, dhe dreudhow an chi. Ev a elwis dhe'n gour o gwiskys yn lien gans daffar skrifyas war y glun;

Daniel 10:5

y trehevis ow dewlagas, ha mires, hag otta unn gour gwiskys yn lien, y dhiwglun grogysys gans owr pur a Ufaz.

Daniel 12:6

Ha leverys veu dhe'n gour gwiskys yn lien esa a-ugh dowrow an avon, ‘Pes termyn y fydh bys diwedh an anethow ma?’

Levitikus 16:4

Ev a wisk an bows sans a lien ha'n lavrek a lien war y gorf, ha kelmi grogys a lien a-dro dhodho, ha gwiska tulyfant a lien a-dro dh'y benn; an re ma yw dillas sans. Ev a wolgh y gorf yn dowr hag ena aga gwiska.

Amos 9:1

My a welas an Arloedh ow sevel ryb an alter, hag ev a leveris: Gwask pennow an pilars erna grenno an treudhow, ha'ga brewi war benn an bobel oll! An rann yw gesys a ladhav gans an kledha; denvyth ny fi dhe-ves, denvyth ny skap.

Diskwedhyans 15:6

ha'n seyth el, gans an seyth pla, a dheuth yn-mes a'n tempel, ow kwiska lien glan ha splann, ha grogysys gans grogys owrek a-dro dh'aga diwvronn.