Ezekiel 8:17 - An Bibel Kernewek 20234 (Kernewek Kemmyn)

¹⁷ Ena yn-medh ev dhymm, ‘A welsys, mab den? Yw ev tra drufel rag chi Yuda, i dhe wul an taklow vil re wrussons omma? Rag i re lenwis an tir a freudh, ha'm serri hwath moy. Ottensi ow korra skorrenn dh'aga throen.

Ezekiel 8:17 ပူးပေါင်းရင်းမြစ်များ

Jenesis 6:11

An nor ynwedh o legrys a-rag Duw, ha lenwys o an nor a arowder.

Jenesis 6:13

Hag yn-medh Duw dhe Noy, ‘Yma diwedh dhe bub kig devedhys a-ragov, rag lenwys dredha gans garowder yw an nor, hag awotta, my a vynn aga distrui gans an nor.

2 Myghternedh 21:16

Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.

2 Myghternedh 24:4

ha drefenn an goes gwiryon re skoellsa; rag ev a lanwsa Yerusalem a woes gwiryon, ha ny vynna an Arloedh y ava.

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 20:8

Rag peskweyth may kowsav, my a gri, my a arm ‘Freudh ha distruyans!’ Rag ger an Arloedh a dheuth ha bos keredh dhymm, ha skorn pub dydh.

Yeremia 44:3

drefenn an drogedh a wrussons orth ow frovokya dhe sorr, drefenn i dhe vones dhe leski offrynnow ha servya duwow erell na aswonnens, na i, na hwi, na'gas tasow.

Yeremia 6:7

Dell wra puth gwitha y dowrow govynn, yndellma hi a gwith yr hy thebelwrians: freudh ha diswrians yw klewys ynni; yma galar ha goliow prest a-ragov.

Kynvannow 1:5

Hy eskerens re dheuth ha bos penn, sewen yw hy envi, rag an Arloedh re's grevyas drefenn myns hy threuspassow; hy fleghes res eth yn kethneth a-rag an eskar.

Ezekiel 11:6

Hwi re ladhas lies y'n sita ma, ha lenwel hy stretys a gorfow.

Ezekiel 16:26

Ty a wrug fornikasyon gans mebyon Ejyp, dha gentrevogyon bras aga hig, ha ty a lieshas dha fornikasyon, dhe'm provokya dhe sorr.

Ezekiel 18:12

neb a arwask an boghosek ha'n edhommek, neb a byll, neb na dhaskorr gaja, neb a dhrehav y dhewlagas dhe idolys, ha gul tra gasadow,

Ezekiel 23:25

My a sett ow avi er dha bynn, hag i wra dha dhyghtya yn sorr. I a dregh dha droen ha'th tiwskovarn, ha'n re gesys war dha lergh a goedh der an kledha. I a gemmer dha vebyon ha'th vyrghes, ha piwpynag yw gesys dhis a vydh konsumys gans tan.

Ezekiel 28:16

Yn lanwes dha genwerth i a lenwis an kres ahanas gans garowder, ha ty a beghas. Ytho my a'th tewlis avel tra ansans dhiworth menydh Duw, ha'n cherub esa ow kwitha a'th chasyas yn-mes dhiworth kres an meyn a dan.

Ezekiel 45:9

Yndellma y lever an Arloedh Duw: Lowr yw, a bennsevigyon Ysrael! Hepkorrewgh garowder ha ravna, ha gwrewgh gwirvreus hag ewnder; na wrewgh tewlel ow fobel yn-mes a'ga ferghennogeth na fella, yn-medh an Arloedh Duw.

Ezekiel 7:11

Freudh re devis avel gwelenn a sherewynsi; ny vydh gesys nagonan anedha, nagonan a'ga routh, na travyth a'ga golusogneth, na travyth a bris ynna.

Ezekiel 7:23

Gwra an kadon, rag an tir yw leun a skoellya goes, ha'n sita yw leun a freudh.

Ezekiel 8:6

Ena yn-medh ev dhymm, ‘Mab den, a welydh pandr'a wrons, an taklow vil bras usi chi Ysrael ow kul omma, dhe'm pellhe dhiworth ow sentri? Mes ty a wel taklow vil hwath brassa.’

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Amos 3:10

Ny wodhons fara ewn, yn-medh an Arloedh, an re a guntell yn aga falesyow preydh aga garowder ha ladrans.

Amos 6:3

A hwi a vynn delatya an drog dhydh, mes hwi a dhre ogas an esedhva a arowder!

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Mika 6:12

Tus rych an sita yw leun a freudh; hag yma hy thrigoryon ow kowleverel, ha'ga thaves yw fekyl yn aga ganow.

Sefania 1:9

Y'n jydh na my a gessydh oll an re a lamm dres an treudhow, neb a lenow chiow aga arloedh gans garowder ha gil.