Ezekiel 8:16 - An Bibel Kernewek 20234 (Kernewek Kemmyn)

¹⁶ Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.

Ezekiel 8:16 ပူးပေါင်းရင်းမြစ်များ

1 Myghternedh 8:29

may fydh igor dha lagasow war-tu ha'n chi ma nos ha dydh.

2 Myghternedh 16:14

Ev a gemmeras an alter a vrons esa a-rag an Arloedh dhiworth tal an chi, dhiworth an le ynter an alter nowydh ha chi an Arloedh, ha'y gorra orth tu kledhbarth an alter nowydh.

2 Myghternedh 21:5

Ev a dhrehevis alteryow rag oll lu an nev y'n dhew klos chi an Arloedh.

2 Myghternedh 23:11

Ev a bellhas an vergh re rosa myghternedh Yuda yn enor a'n howl, orth entrans chi an Arloedh, ryb chambour Nathan-melek an spadhesik, esa y'n portal; hag ev a loskas charettow an howl gans tan.

2 Myghternedh 23:5

Ev a bellhas an oferysi bagan apoyntys gans myghternedh Yuda dhe leski sakrifisow y'n tylleryow ughel yn sitys Yuda ha kyrghynn Yerusalem; hag ynwedh an re a offrynna sakrifisow dhe Baal, dhe'n howl, dhe'n loer, dhe doknys an stergylgh ha dhe oll lu an nev.

2 Kroniklys 29:6

Rag agan tasow re beu dislel hag i a wrug an pyth o drog yn golok an Arloedh. I a'n forsakyas, hag a dreylyas aga fas dhiworth trigva an Arloedh, ha treylya aga heyn.

2 Kroniklys 7:7

Solomon a sakras kres an klos esa a-rag chi an Arloedh, hag ena ev a offrynnas an offrynnow leskys ha blonek an offrynnow kres, drefenn na ylli an alter a vrons a wrug Solomon synsi an offrynn leskys ha'n offrynn greun ha'n blonek.

Yeremia 2:27

neb a leverel dhe wydhenn, ‘Ty yw ow thas’; ha dhe ven, ‘Ty a'm dineythis.’ Rag i re dreylyas aga heyn dhymm, a-der aga fas: mes yn termyn aga ahwer i a lever, ‘Sev, ha saw ni.’

Yeremia 32:33

I re dreylyas dhymm aga heyn, a-der aga fasow; kyn y's dyskis heb lett, hwath ny woslowsons dhe gemmeres dyskybleth.

Yeremia 44:17

Yn le henna, ni a wra pup-tra re ambossyn, dhe leski ofrrynnow dhe vyghternes nev ha dinewi offrynnow diwes dhedhi, par dell wrussyn, ni ha'gan tasow, agan myghternedh, ha'gan pennsevigyon yn trevow Yuda hag yn stretow Yerusalem. Rag ena ni a'gan bo palster a voes, ha seweni heb gweles anfeus.

Yeremia 7:18

An fleghes a guntell prenn, ha'n tasow a enow an tan, ha'n benynes a does an toes, dhe wul tesennow dhe vyghternes nev; hag i a dhinwa offrynnow diwes dhe dhuwow erell, ma'm provoksons dhe sorr.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Ezekiel 10:3

Lemmyn yth esens an cherubim ow sevel a-dhyghowbarth dhe'n chi pan entras an gour, ha'n gommolenn a lenwis an klos a-bervedh.

Ezekiel 11:1

Ena an spyrys a'm drehevis ha'm dri dhe yet est chi an Arloedh, a vir troha'n est. Hag otta, orth an yet yth esa pymp gour warn ugens, ha my a welas yn aga mysk Yaazania mab Azzur, ha Pelatia mab Benaya, pennsevigyon an bobel.

Ezekiel 23:35

Rakhenna yndellma y lever an Arloedh Duw: Rag ty dhe'm ankevi ha'm tewlel a-dryv dha geyn, porth siwyansow dha avlander ha'th fornikasyon.

Ezekiel 23:39

Wosa ladha aga mebyon rag aga idolys, i a dho an keth jydh na a-berth y'm sentri dh'y dhisakra. Yndella y hwre yn kres ow chi.

Ezekiel 40:28

Ena ev a'm dros dhe'n klos a-bervedh dre yet an soth, hag ev a vusuras yet an soth; kemusur o gans an re erell.

Ezekiel 40:6

Ena ev a entras a-ji dhe'n yet esa ow mires troha'n est, hag yskynna war hy grisyow ha musura treudhow an yet, unn gorsenn y les.

Ezekiel 43:5

Ena an spyrys a'm drehevis ha'm dri dhe'n klos a-bervedh; hag otta, glori an Arloedh a lenwis an tempel.

Ezekiel 43:8

Pan worrsons aga threudhow ryb ow threudhow vy, ha'ga fostow-daras ryb ow fostow-daras vy, gans travyth marnas paros yntra my hag i, i a dhefolas ow hanow sans gans an taklow kasadow a wrussons; ytho my re's konsumyas y'm sorr.

Ezekiel 45:19

An oferyas a gemmer neppyth a woes an offrynn pegh ha'y worra war bostow darasow an tempel, peswar kornell min gwartha an alter, ha war bostow yet an klos a-bervedh.

Ezekiel 46:1

Yndellma y lever an Arloedh: yet an klos a-bervedh, a vir troha'n est, a vydh deges y'n hwegh dydh a lavur; mes yn dydh an sabot y fydh igerys, hag yn dydh an loer nowydh.

Ezekiel 7:23

Gwra an kadon, rag an tir yw leun a skoellya goes, ha'n sita yw leun a freudh.

Ezekiel 8:15

Ena yn-medh ev dhymm, ‘A welydh hemma, mab den? Ty a wel taklow vil hwath brassa es an re ma.’

Yoel 2:17

Gwres an oferysi, menystrys an Arloedh, oela ynter an porth ha'n alter, ha leverens, ‘Spar, A Arloedh, dha bobel, ha na ro dha ertach yn disenor, ensampel dhe'n kenedhlow. Prag y leverons yn mysk an poblow, “Ple'ma aga Duw?” ’

Dewteronomi 17:3

ha mos ha servya duwow erell, ha plegya dhe'n dor a-ragdha, po dhe'n howl po dhe'n loer po dhe oll lu an nev, pyth na wrugavy y worhemmynna;

Dewteronomi 4:19

Ha pan dhrehevydh dha dhewlagas war-tu ha'n ebron ha gweles an howl, ha'n loer, ha'n ster, oll lu an nevow, na vedhewgh kammledys dh'aga gordhya na'ga servya – taklow a wrug an Arloedh dha Dhuw kevrenna dhe oll an poblow yn-dann an ebron dhien.