Ezekiel 8:12 - An Bibel Kernewek 20234 (Kernewek Kemmyn)

¹² Ena yn-medh ev dhymm, ‘A welsys, A vab den, an pyth usi henavogyon chi Ysrael ow kul y'n tewlder, peub yn chambouryow y imajys? Rag yn-medhons, “An Arloedh ny'gan gwel, an Arloedh re forsakyas an tir.” ’

Ezekiel 8:12 ပူးပေါင်းရင်းမြစ်များ

Ysay 29:15

Go-i an re a gudh aga husul yn town dhiworth an Arloedh ha gul aga oberow y'n tewlder; yn-medhons, ‘Piw a'gan gwel? Piw a'gan aswonn?’

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Ezekiel 8:15

Ena yn-medh ev dhymm, ‘A welydh hemma, mab den? Ty a wel taklow vil hwath brassa es an re ma.’

Efesianys 5:12

Rag meth yw poran kewsel a'n taklow yw gwrys gansa yn-dann gel.

Salmow 10:11

Ev a leveris yn y golonn, ‘Duw re ankovas, ev a gudh y fas, ha ny wel nevra.’

Ezekiel 20:1

Y'n seythves blydhen, y'n pympes mis, yn degves dydh an mis, gwer a henavogyon Ysrael a dheuth dhe hwilas kusul a'n Arloedh, hag i a esedhas a-ragov.

Ezekiel 14:1

Gwer a henavogyon Ysrael a dheuth dhymm hag esedha a-ragov.

Ezekiel 8:17

Ena yn-medh ev dhymm, ‘A welsys, mab den? Yw ev tra drufel rag chi Yuda, i dhe wul an taklow vil re wrussons omma? Rag i re lenwis an tir a freudh, ha'm serri hwath moy. Ottensi ow korra skorrenn dh'aga throen.

Ezekiel 8:11

Hag yth esa deg ha tri-ugens gour dhiworth henavogyon chi Ysrael ow sevel a-ragdha, ha Yaazania mab Shafan ow sevel yn aga mysk. Ha peub a'n jeva y ynkyslester yn y leuv, hag ethenn kommolenn an ynkys a yskynnas.

Salmow 73:11

Hag i a lever, ‘Fatell woer Duw? Eus godhvos gans an Ughella?’

Salmow 14:1

An den anfur re leveris yn y golonn, ‘Nyns eus Duw.’ Legrys yns i, hag i re wrug obereth kasadow, nyns eus denvyth a wrello dader.

Ysay 47:10

Ty a omglewo saw y'th troktra; ty a leveris, ‘Ny'm gwel denvyth.’ Dha skians ha'th aswonnvos a'th toellas, ha ty a leveris y'th kolonn, ‘My! Nyns eus ken onan a-der my.’

Ezekiel 8:13

Hag yn-medh ev dhymm, ‘Ty a wel taklow vil hwath brassa esons orth aga gul.’

Sefania 1:12

Hag y hwyrvydh y'n termyn na y hwithrav Yerusalem gans lugern, ha kessydhya an dus neb yw attes, kowlys avel gwin gesys war an godhes: neb a lever yn aga holonn, ‘Ny wra an Arloedh dader, na ny wra drog.’

Dewteronomi 27:15

‘Mollothek yw an gour neb a wra imaj gravys po imaj teudh, tra gasadow dhe'n Arloedh, ober diwleuv krefter, ha neb a'n sett yn-bann yn-dann gel.’ Ena oll an bobel a worthyp ow leverel, ‘Amen.’

2 Myghternedh 17:9

An Ysraelysi a askrifsons taklow na veu ewn erbynn an Arloedh aga Duw, hag i a dhrehevis ragdha aga honan tylleryow ughel yn oll aga threvow, dhiworth touryow goelyadoryon bys sitys kerys.