Ezekiel 8:11 - An Bibel Kernewek 20234 (Kernewek Kemmyn)

¹¹ Hag yth esa deg ha tri-ugens gour dhiworth henavogyon chi Ysrael ow sevel a-ragdha, ha Yaazania mab Shafan ow sevel yn aga mysk. Ha peub a'n jeva y ynkyslester yn y leuv, hag ethenn kommolenn an ynkys a yskynnas.

Ezekiel 8:11 ပူးပေါင်းရင်းမြစ်များ

2 Myghternedh 22:12

An myghtern a worhemmynnis dhe Hilkia an oferyas, hag Ahikam mab Shafan, hag Akbor mab Mikaya, ha Shafan an skrifwas, hag Asaya gwas a'n myghtern, ow leverel,

2 Myghternedh 22:14

Ytho Hilkia an oferyas, Ahikam, Akbor, Shafan, hag Asaya eth dhe Hulda an brofoeses, gwreg Shallum mab Tikva mab Harhas, gwithyas an dhillasva; yth esa hi trigys yn Yerusalem y'n Nessa Kwartron, hag i a gewsis orti.

2 Myghternedh 22:3

Y'n etegves blydhen a vyghtern Yosia, an myghtern a dhannvonas Shafan mab Asalia mab Meshullam, an skrifwas, dhe ji an Arloedh, ow leverel,

2 Myghternedh 22:8

Hilkia an arghoferyas a leveris dhe Shafan an skrifwas, ‘My re gavas lyver an lagha yn chi an Arloedh.’ Ha Hilkia a ros an lyver dhe Shafan hag ev a'n redyas.

2 Myghternedh 25:22

Ev a apoyntyas Gedalia mab Ahikam mab Shafan avel governour war an bobel gesys yn pow Yuda gans Nebukadnessar myghtern Babylon.

2 Kroniklys 26:16

Mes pan ova gyllys krev, gyllys goethus o ynwedh, bys dh'y dhiswrians. Ev o dislen dhe'n Arloedh y Dhuw, hag yth entras yn tempel an Arloedh dhe leski ynkys war alter an ynkys.

2 Kroniklys 26:19

Ena Uzzia a sorras. Ev a'n jevo ynkyslester yn y dhorn rag leski ynkys; mes pan esa ow serri orth an oferysi kleves lovrek a omdhiskwedhas war y dal a-rag an oferysi yn chi an Arloedh, ryb alter an ynkys.

2 Kroniklys 34:20

Ena an myghtern a worhemmynnis dhe Hilkia, Ahikam mab Shafan, Abdon mab Mika, Shafan an skrifennyas, hag Asaya gwas an myghtern,

Eksodus 24:1

Hag ev a leveris dhe Moyses, ‘Yskynn dhe'n Arloedh, ty hag Aron, Nadab, hag Abihu, ha deg ha tri-ugens dhiworth henavogyon Ysrael, ha gordhya a-bell.

Eksodus 24:9

Ena Moyses hag Aron, Nadab, hag Abihu, ha'n deg ha tri-ugens dhiworth henavogyon Ysrael a yskynnas,

Ysay 44:13

An ser prenn a ystynn kordenn-vusura, ev a'n merk gans mynowes, ev a'n shap gans raskow hag a'n merk gans kompas; ev a'n shap dhe hevelep gour, gans tekter den, may trikko yn chi.

Yeremia 19:1

Yndellma y lever an Arloedh: Ke ha prena kostrel a bri dhiworth priweythor, ha kemmer genes re a henavogyon an bobel ha re a henavogyon an oferysi,

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 26:22

Ena Yehoyakim an myghtern a dhannvonas gwer dhe Ejyp, henn yw Elnathan mab Akbor, ha gwer ganso dhe Ejyp,

Yeremia 26:24

Byttegyns yth esa leuv Ahikam mab Shafan gans Yeremia ma na veu res yn leuv an bobel dh'y worra dhe'n mernans.

Yeremia 29:3

An lyther a veu dannvenys yn leuv Elasa mab Shafan ha Gemaria mab Hilkia neb a wrug Sedekia myghtern Yuda y dhannvon dhe Babylon dhe Nebukadnessar myghtern Babylon, ow leverel:

Yeremia 36:10

Ena, Baruk a lennas geryow Yeremia y'n rol-skrifa, yn chi an Arloedh, yn chambour Gemaria mab Shafan an skrifennyas, esa y'n klos ughella, orth entrans Yet Nowydh chi an Arloedh, yn klewans oll an bobel.

Yeremia 44:21

‘An offrynnow a lesksowgh yn trevow Yuda hag yn stretow Yerusalem, hwi ha'gas tasow, agas myghternedh ha'gas pennsevigyon, ha pobel an tir, a ny wrug an Arloedh perthi kov anedha? A ny dheuth yn y vrys?

Yeremia 5:5

My a wra mos dhe'n dus veur, ha kewsel orta; rag i re wodhva fordh an Arloedh, ha breus aga Duw.’ Mes i keffrys re dorras an yew, ha terri an rawyow.

Yeremia 52:27

Ha myghtern Babylon a's gweskis, ha'ga gorra dhe'n mernans yn Ribla yn pow Hamath. Ytho Yuda eth yn divroedh yn-mes a'y dir.

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Ezekiel 20:1

Y'n seythves blydhen, y'n pympes mis, yn degves dydh an mis, gwer a henavogyon Ysrael a dheuth dhe hwilas kusul a'n Arloedh, hag i a esedhas a-ragov.

Ezekiel 8:10

Ytho my eth a-ji ha gweles, hag otta pub furv a gramvil ha best kasadow, hag oll idolys chi Ysrael, kervys war an paros a-derdro.

Ezekiel 9:6

Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

Daniel 9:8

Dhyn ni, A Arloedh, yma meth a'n fas, dh'agan myghternedh, dh'agan prynsys ha dh'agan tasow, drefenn ni dhe begha er dha bynn.

Niverow 11:16

Ha'n Arloedh a leveris dhe Moyses, ‘Kuntell dhymm deg gour ha tri-ugens a henavogyon Ysrael, hag a wodhes bos henavogyon an bobel ha soedhogyon a-ughta; ha doro i dhe dylda an kuntelles, ha'ga gasa dhe sevel ena genes.

Niverow 11:25

Ena an Arloedh a dhiyskynnas y'n gommolenn ha kewsel orto, ha kemmeres neppyth a'n spyrys esa warnodho ha'y worra war an deg henavek ha tri-ugens; ha pan bowesas an spyrys warnedha, i a brofoesas. Mes ny wrussons yndellma namoy.

Niverow 16:17

ha kemmeres peub ahanowgh y ynkyslester ha gorra ynkys warnodho, ha peub ahanowgh drewgh a-rag an Arloedh y ynkyslester, dew kans ynkyslester ha hanter-kans, hag Aron, peub y ynkyslester.’

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Niverow 7:50

unn skudell a owr a dheg shekel, leun a ynkys;

Luk 10:1

Wosa hemma, an Arloedh a apoyntyas dewdhek ha tri-ugens arall ha'ga dannvon dew ha dew a-dheragdho dhe bub sita ha tyller may fynna ev mos.