Ezekiel 8:1 - An Bibel Kernewek 20234 (Kernewek Kemmyn)

¹ Y'n hweghves blydhen, y'n hweghves mis, yn pympes dydh an mis, ha my owth esedha y'm chi, ha henavogyon Yuda owth esedha a-ragov, leuv an Arloedh Duw a goedhas warnav ena.

Ezekiel 8:1 ပူးပေါင်းရင်းမြစ်များ

2 Myghternedh 6:32

Mes Elisha a esedhas yn y ji hag yth esa an henavogyon owth esedha ganso. An myghtern re dhannvonsa gour, mes kyns an gannas dhe dhos, Elisha a leveris dhe'n henavogyon, ‘A welowgh fatell dhannvonas an mab a voldrer ma nebonan rag kemmeres dhe-ves ow fenn? Mirewgh, pan dheu an gannas, degeewgh an daras ha'y synsi fast er y bynn. A nyns yw son treys y vester war y lergh?’

Ezekiel 14:1

Gwer a henavogyon Ysrael a dheuth dhymm hag esedha a-ragov.

Ezekiel 14:4

Rakhenna kows orta ha lavar dhedha, Yndellma y lever an Arloedh Duw: Piwpynag dhiworth chi Ysrael a dhrehaffo y idolys yn y golonn ha gorra y anewnder a-ragdho avel ken a drebuchya, hag ena dos dhe'n profoes, my an Arloedh a worthyp dhodho herwydh palster y idolys,

Ezekiel 20:1

Y'n seythves blydhen, y'n pympes mis, yn degves dydh an mis, gwer a henavogyon Ysrael a dheuth dhe hwilas kusul a'n Arloedh, hag i a esedhas a-ragov.

Ezekiel 24:1

Ger an Arloedh a dheuth dhymm y'n nawves blydhen, y'n degves mis, yn degves dydh an mis, ow leverel:

Ezekiel 26:1

Y'n unnegves blydhen, yn kynsa dydh an mis, ger an Arloedh a dheuth dhymm, ow leverel,

Ezekiel 29:1

Y'n degves blydhen, y'n degves mis, yn dewdhegves dydh an mis, ger an Arloedh a dheuth dhymm, ow leverel:

Ezekiel 29:17

Y'n seythves blydhen warn ugens, yn kynsa dydh an mis, ger an Arloedh a dheuth dhymm, ow leverel:

Ezekiel 3:12

Ena an Spyrys a'm drehevis, ha my a glewas a-dryv dhymm son grommyans bras, pan sevis glori an Arloedh a'y le,

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Ezekiel 3:22

Yth esa leuv an Arloedh warnav eno; hag ev a leveris dhymm, Sav ha ke yn-mes dhe'n nans, hag eno my a gews genes.

Ezekiel 30:20

Y'n unnegves blydhen, y'n kynsa mis, yn seythves dydh an mis, ger an Arloedh a dheuth dhymm, ow leverel,

Ezekiel 31:1

Y'n unnegves blydhen, y'n tressa mis, yn kynsa dydh an mis, ger an Arloedh a dheuth dhymm, ow leverel,

Ezekiel 32:1

Y'n dewdhegves blydhen, y'n dewdhegves mis, yn kynsa dydh an mis, ger an Arloedh a dheuth dhymm, ow leverel:

Ezekiel 32:17

Y'n dewdhegves blydhen, yn pymthegves dydh an mis, ger an Arloedh a dheuth dhymm, ow leverel,

Ezekiel 33:22

Leuv an Arloedh a veu warnav gorthugherweyth kyns dos an dianker; mes ev re igorsa ow ganow erbynn an termyn may teuth dhymm myttin; ytho ow ganow o igerys, ha nyns en vy avlavar na fella.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Ezekiel 37:1

Yth esa warnav leuv an Arloedh, hag ev a'm dug mes yn spyrys an Arloedh, ha'm settya yn kres an nans; y feu leun a eskern.

Ezekiel 40:1

Y'n pympes blydhen warn ugens a'gan divroedh, yn dalleth an vlydhen, yn degves dydh an mis, y'n peswardhegves blydhen wosa an sita dhe vos gweskys yn-nans, poran y'n jydh na, leuv an Arloedh a veu warnav, hag ev a'm dros ena.

Ezekiel 7:27

An myghtern a gyn, ha'n pennsevik a vydh gwiskys yn euth; diwla pobel an tir a gren. My a's dyght war-lergh aga fordh, ha my a's breus war-lergh aga breusow. Ena i a woer my dhe vos an Arloedh.

Ezekiel 8:2

My a viras, hag otta hevelep kepar ha semlans gour. Dhiworth an rann a hevelis bos y dhiwglun bys an leur y feu tan, ha dhiworth y dhiwglun war-vann kepar ha'n semlans a splannder, avel amber ow lentri.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Oberow 20:33

Ny hwensis vy arghans nag owr na dillas denvyth;