Ezekiel 7:8 - An Bibel Kernewek 20234 (Kernewek Kemmyn)

⁸ Lemmyn a verr spys my a dhinwa ow honnar warnas, ha'y kowlwul ow sorr er dha bynn; my a'th vreus war-lergh dha fordhow, hag attyli dhis rag oll dha daklow kasadow.

Ezekiel 7:8 ပူးပေါင်းရင်းမြစ်များ

2 Kroniklys 34:21

‘Kewgh, hwila orth an Arloedh ragov vy ha rag an re yw gesys yn Ysrael hag yn Yuda, a-dro dhe eryow an lyver re beu kevys. Rag meur yw konnar an Arloedh yw diverys warnan, drefenn na withas agan tasow ger an Arloedh, dhe wul herwydh oll yw skrifys y'n lyver ma.’

Salmow 79:6

Dyllo dha gonnar war an kenedhlow na'th aswonnis, ha war an gwlaskordhow na elwis war dha hanow.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Yeremia 36:31

My a'n kessydh ha'y has ha'y servysi rag aga anewnder; my a dhre warnedha, ha war annedhysi Yerusalem, ha war bobel Yuda, oll an drog re leveris er aga fynn, mes ny woslowsons.

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Kynvannow 2:4

Ev re blegyas y warak kepar hag eskar, y leuv dhyghow yw drehevys kepar hag envi; ev re ladhas pup-tra o plegadow dhe'n lagas; yn tylda myrgh Sion ev re dhinewis y sorr kepar ha tan.

Kynvannow 4:11

An Arloedh re gowlwrug y sorr, ha dyllo y sorr fers, hag enowi tan yn Sion a dhevoryas hy selyow.

Ezekiel 11:21

Mes an re may kerdh aga holonn war-lergh aga thaklow vil ha'ga thaklow kasadow, my a dhre aga fordh war aga fenn, yn-medh an Arloedh Duw.

Ezekiel 14:19

Po mar tannvonav plag y'n pow na, ha dinewi ow sorr warnodho dre skoellya goes, dhe dreghi dhiworto den ha best,

Ezekiel 16:43

Drefenn na berthsys kov a dhydhyow dha yowynkneth, mes ty a'm sorras gans oll an taklow ma, otta, my ynwedh a attal dha fordh war dha benn, yn-medh an Arloedh Duw. A ny wrussys vilta dres oll dha daklow kasadow?

Ezekiel 16:59

Rag yndellma y lever an Arloedh Duw: My a wra genes kepar dell wrussys, rag ty dhe dhispresya an ti, ow terri an kevambos.

Ezekiel 18:30

Rakhenna my a'gas breus pubonan war-lergh y fordhow, a ji Ysrael, yn-medh an Arloedh Duw. Koedhewgh yn edrek ha treylyewgh agas honan dhiworth oll agas kammweythresow; ena ny vydh drogober dhywgh ken a drebuchya.

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 20:21

Mes an vebyon a rebellyas er ow fynn. Ny gerdhsons y'm ordenansow, na ny waytsons gul ow breusow, may hwra den bew dredha mara's gwra; i a dhisakras ow sabotys. Ena yn-medhav, My a dhiver ow honnar warnedha, ow kowlwul ow sorr er aga fynn y'n difeythtir.

Ezekiel 20:33

Dell vewav, yn-medh an Arloedh Duw, my a vydh myghtern warnowgh gans leuv grev, ha gans bregh ystynnys, ha gans sorr dinewys.

Ezekiel 20:8

Mes i a rebellyas er ow fynn ha ny vynnsons goslowes dhymm; ny wrug nagonan tewlel dhe-ves an taklow kasadow esa a-rag aga dewlagas, ha ny forsaksons idolys Ejyp. Ena yn-medhav, My a dhiver ow honnar warnedha, ow kowlwul ow sorr er aga fynn yn kres pow Ejyp.

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Ezekiel 24:14

My an Arloedh re gewsis. An termyn re dheuth, ha my a'n gwrav. Ny vydhav owth omwitha, na sparya, na diserri. War-lergh dha fordhow ha'th wriansow my a'th vreus, yn-medh an Arloedh Duw.

Ezekiel 30:15

My a dhiver ow sorr war Sin, skons Ejyp, ha treghi dhe-ves an routh a No.

Ezekiel 33:20

Hwi a lever, ‘Fordh an Arloedh yw anewn.’ Mes my a vreus pubonan herwydh y fordhow, A ji Ysrael.

Ezekiel 6:12

Neb yw a-bell a verow der an plag, ha neb yw ogas a goedh der an kledha, ha neb yw gesys po gwithys a verow dre dhivoetter. Yndella my a gowlwra ow honnar warnedha.

Ezekiel 7:27

An myghtern a gyn, ha'n pennsevik a vydh gwiskys yn euth; diwla pobel an tir a gren. My a's dyght war-lergh aga fordh, ha my a's breus war-lergh aga breusow. Ena i a woer my dhe vos an Arloedh.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Ezekiel 9:8

Pan esons ow kweskel, ha my gesys ow honan, my a goedhas war ow fas ha garma, ha leverel, ‘Ogh Arloedh Duw! A dhiswredh oll remenant Ysrael, ha ty ow tiveri dha gonnar war Yerusalem?’

Daniel 9:11

‘Ysrael oll re dorras dha lagha ha treylya dhe-denewen, ow nagha goslowes orth dha lev. Diverys warnan yma'n molleth ha'n ti hag yw skrifys yn lagha Moyses gwas Duw, rag ni re beghas er y bynn.

Daniel 9:27

Ha fastya ambos a wra ev gans lies der unn seythun; mes yn kres an seythun na y hwra ev dhe sakrifis hag offrynn hedhi; hag y'n tempel y fydh pyth kasadow an difeythter bys may fo an diwedh ordenys diverys war an distruer.’

Hosea 12:3

Y'n brys ev a synsis y vroder er an seudhel, hag yn y grevder ev a strivyas gans Duw.

Hosea 5:10

Pennsevigyon Yuda re dheuth ha bos avel an re a remov orven. My a wra diveri warnedha ow sorr avel dowr.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Diskwedhyans 14:10

ev ynwedh a wra eva a'n gwin a'n sorr a Dhuw, dinewys heb gwannhe y'n hanaf a'y sorr, hag ev a vydh tormentys gans tan ha loskven a-dherag an eledh sans hag a-dherag an Oen.