Ezekiel 7:5 - An Bibel Kernewek 20234 (Kernewek Kemmyn)

⁵ Yndellma y lever An Arloedh Duw: Anfeusi, unn anfeusi, otta re dheuth!

Ezekiel 7:5 ပူးပေါင်းရင်းမြစ်များ

Lavarow Koth 13:21

Anfeus a hol peghadoryon, mes sewena a re pewas dhe'n re wiryon.

Lavarow Koth 24:16

Rag den gwiryon a goedh seythgweyth ha sevel arta, mes an debeles yw domhwelys gans droglamm.

Ysay 21:12

An goelyador a lever, ‘Yma myttin ow tos, ha nos ynwedh. Mar kovynnowgh, govynnewgh; Dehwelewgh, dewgh.’

Yeremia 19:3

ha lavar: Klewewgh ger an Arloedh, A vyghternedh Yuda, hag annedhysi Yerusalem. Yndellma y lever Arloedh an luyow, Duw Ysrael: Otta, my a dhre anfeusi war an tyller ma, may kosso diwskovarn neb a'n klew.

Ezekiel 5:9

My a wra ynnos an pyth na wrug vy bythkweth, ha ny wrav vy travyth avello nevra arta, drefenn oll dha daklow kasadow.

Ezekiel 7:12

An termyn re dheuth, devedhys yw an jydh. Na lowenhes an prener, ha na wres an gwerther kyni, rag yma sorr war oll an routh anedha.

Ezekiel 7:2

Ha ty, A vab den, yndellma y lever an Arloedh Duw dhe bow Ysrael: Diwedh! an diwedh a dheuth war beswar korn an tir.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

Amos 3:2

Hwi unnsel a aswonnis vy yn-mes a oll teyluyow an nor; rakhenna my a wra agas kessydhya rag agas drogoberow oll.

Nahum 1:9

Pandr'a dhevisyowgh erbynn an Arloedh? Ev a gowldhistru; ny sev ahwer diwweyth.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Matthew 24:21

Rag y'n prys na y fydh anken tynn, a'n par na hwarva a-dhia dhalleth an norvys bys y'n jydh hedhyw, na nevra ny vydh.

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.