Ezekiel 7:4 - An Bibel Kernewek 20234 (Kernewek Kemmyn)

⁴ Ny gemmer ow lagas pita ahanas, ha ny'th sparyav, rag my a attal dhis drefenn dha fordhow, ha'th taklow kasadow a-berth ynnos. Ena hwi a woer my dhe vos an Arloedh.

Ezekiel 7:4 ပူးပေါင်းရင်းမြစ်များ

Ezekiel 6:7

An re ledhys a goedh yn agas mysk, ha hwi a woer my dhe vos an Arloedh.

Ezekiel 11:21

Mes an re may kerdh aga holonn war-lergh aga thaklow vil ha'ga thaklow kasadow, my a dhre aga fordh war aga fenn, yn-medh an Arloedh Duw.

Ezekiel 5:11

Rakhenna, dell vewav, yn-medh an Arloedh Duw, drefenn ty dhe dhefola ow sentri gans oll dha daklow vil ha gans oll dha daklow kasadow, ytho my a'th tivarv; ow lagas ny gemmer pita, hag ynwedh ny gemmerav truedh.

Hosea 12:2

An Arloedh a'n jeves dadhel gans Yuda, hag ev a gessydh Yakob herwydh y fordhow; ev a attal dhodho wriansow.

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Ezekiel 16:43

Drefenn na berthsys kov a dhydhyow dha yowynkneth, mes ty a'm sorras gans oll an taklow ma, otta, my ynwedh a attal dha fordh war dha benn, yn-medh an Arloedh Duw. A ny wrussys vilta dres oll dha daklow kasadow?

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Ezekiel 7:27

An myghtern a gyn, ha'n pennsevik a vydh gwiskys yn euth; diwla pobel an tir a gren. My a's dyght war-lergh aga fordh, ha my a's breus war-lergh aga breusow. Ena i a woer my dhe vos an Arloedh.

Ezekiel 6:14

My a ystynn ow leuv warnedha ha gul an tir ynyal, dhiworth an difeyth bys Dibla, yn oll aga thrigvaow. Ena i a woer my dhe vos an Arloedh.

Ebrowyon 10:30

Rag ni a'n aswonn neb a leveris, ‘Dhymmo vy yw an dial; my a attal.’ Hag arta, ‘An Arloedh a wra breusi y bobel.’

Zekaria 11:6

Ytho ny gemmerav vy truedh namoy a'n re trigys y'n tir, yn-medh an Arloedh. Otta, yth esov ow ri pubonan yn leuv y gentrevek hag yn leuv y vyghtern. I a wra brewi an tir, ha ny wrav vy aga sawya dhiworth aga leuv.

Ezekiel 24:14

My an Arloedh re gewsis. An termyn re dheuth, ha my a'n gwrav. Ny vydhav owth omwitha, na sparya, na diserri. War-lergh dha fordhow ha'th wriansow my a'th vreus, yn-medh an Arloedh Duw.

Ezekiel 23:49

I a attal kessydhyans agas avlander warnowgh, ha hwi a berth an kessydhyans rag peghosow agas idolys. Ena hwi a woer my dhe vos an Arloedh Duw.

Ezekiel 23:31

Ty re gerdhas yn fordh dha hwoer; rakhenna my a re hy hanaf y'th leuv jy.

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Ezekiel 12:20

An trevow annedhys a vydh ynyal ha'n tir a vydh gwastyes; ha hwi a woer my dhe vos an Arloedh.

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Yeremia 25:14

Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 13:14

Ha my a's tewl an eyl erbynn y gila, hwath an tasow ha'n vebyon war-barth, yn-medh an Arloedh: ny sparyav, na kemmeres piteth, na truedh, mes aga distrui.

Ezekiel 7:3

Lemmyn an diwedh yw devedhys warnas ha my re dhannvonas ow sorr er dha bynn; ha my a'th vreus war-lergh dha fordhow, ha dha gessydhya rag oll dha daklow kasadow.

Amos 7:8

Ha'n Arloedh a leveris dhymm, ‘Pandr'a welydh, Amos?’ Hag yn-medhav, ‘Plemmik.’ Ena an Arloedh a leveris, ‘Ottavy ow settya plemmik yn mysk ow fobel Ysrael; ny wrav aga sparya namoy.’

Ezekiel 33:29

Ena i a woer my dhe vos an Arloedh, pan wrav an tir ynyalder ha difeythtir rag oll aga thaklow kasadow re wrussons.