Ezekiel 7:20 - An Bibel Kernewek 20234 (Kernewek Kemmyn)

²⁰ Goeth a's tevo yn tekter aga thegennow ha gansa i a wrug aga imajys kasadow, aga thaklow kasadow; rakhenna my a's gwra mostedhes ragdha.

Ezekiel 7:20 ပူးပေါင်းရင်းမြစ်များ

2 Myghternedh 21:4

Ev a dhrehevis alteryow yn chi an Arloedh, may lavarsa an Arloedh anedha, ‘Yn Yerusalem y hworrav ow hanow.’

2 Myghternedh 21:7

Ev a settyas an imaj gravys a Ashera re wrussa y'n chi may leveris an Arloedh anodho dhe Davydh ha dh'y vab Solomon, ‘Y'n chi ma hag yn Yerusalem, re dhewisis mes a oll kordhow Ysrael, my a worr ow hanow bys vykken.

2 Kroniklys 2:9

ow pareusi prennyer yn pals, rag an chi a vynnav y dhrehevel a vydh meur ha marthys.

2 Kroniklys 36:14

Ynwedh oll an pennoferysi ha'n bobel o fest dislel, owth holya oll taklow kasadow an kenedhlow; hag i a dhefolas chi an Arloedh re wrussa y sakra yn Yerusalem.

Ezra 3:12

Mes lies a'n oferysi ha'n Levysi ha pennow an tasow, henavogyon hag a welas an kynsa chi, a oelas gans lev ughel pan welsons sel an chi ma fondys a-rag aga dewlagas, mes lies anedha a armas yn ughel gans lowena,

Salmow 48:2

Teg hy ughelder, lowender oll an nor, yw menydh Sion, yn pella rannow an kledh, sita an myghtern meur.

Salmow 50:2

Yn-mes a Sion, perfydh hy thekter, Duw re splannas.

Ysay 30:22

Hwi a dhefol dha idolys gorherys gans arghans ha dha imajys gorowrys; ty a's tewl dhe-ves avel kweth avlan ha leverel dhedhi, ‘Ke dhe-ves!’

Ysay 64:11

Agan chi sans ha gloryus, le may hwre agan tasow dha wormel yw leskys gans tan, hag oll agan tylleryow teg re dheuth ha bos magoryow.

Yeremia 7:14

ytho my a wra dhe'n chi ma, may feu ow hanow gelwys warnodho, ynno may fydhyowgh, ha dhe'n tyller a res dhywgh ha dh'agas tasow, par dell wrug vy dhe Shilo.

Yeremia 7:30

Rag mebyon Yuda re wrug drogedh y'm golok, yn-medh an Arloedh; i re settyas aga thaklow kasadow y'n chi may feu ow hanow gelwys warnodho, dh'y dhefola.

Kynvannow 1:10

An eskar re ystynnas y dhorn war oll hy fythow drudh; rag hi re welas an kenedhlow dhe entra yn hy thyller sans, an re a dhifennsys jy orta mayth entrons y'th kuntelles.

Kynvannow 2:1

Assa wrug an Arloedh yn y sorr dhe vyrgh Sion bos kudhys gans kommol! ev re dewlis yn-nans dhiworth nev bys yn nor an splannder a Ysrael; ny borthas ev kov a'y skavell-droes yn dydh y sorr.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Ezekiel 11:18

I a dheu di ha remova oll hy thaklow vil ha'y thaklow kasadow dhiworti.

Ezekiel 16:16

Ha ty a gemmeras re a'th tillas, ha gul ragos dha honan tylleryow ughel liesliw, ha gul fornikasyon warnedha. Ny dal hwarvos, na ny vydh.

Ezekiel 16:19

Ha'm bara a res dhis, bleus fin hag olew ha mel, a res dhis dhe dhybri, ty a settyas a-ragdha rag sawer plegadow; hag yndella y feu, yn-medh an Arloedh Duw.

Ezekiel 23:38

I re wrug hemma dhymmo vy ynwedh: i re dhefolas ow sentri ha disakra ow sabotys.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Ezekiel 5:11

Rakhenna, dell vewav, yn-medh an Arloedh Duw, drefenn ty dhe dhefola ow sentri gans oll dha daklow vil ha gans oll dha daklow kasadow, ytho my a'th tivarv; ow lagas ny gemmer pita, hag ynwedh ny gemmerav truedh.

Ezekiel 7:22

My a dreyl ow fas dhiworta, hag i a dhefol ow thresor; ladron a dheu ynni, hag i a's defol.

Ezekiel 9:7

Ena yn-medh ev dhedha, ‘Defolewgh an chi ha lenwewgh an klosyow a'n re ledhys. Kewgh!’ Ytho i eth dhe-ves ha gweskel y'n sita.

Haggay 2:3

Piw yw gesys yntredhowgh a welas an chi ma yn y golewder kyns? Ha fatell y'n gwelowgh lemmyn? A ny hevel ev kepar ha travyth yn agas dewlagas hwi?

Breusysi 8:24

Ena Gideon a leveris dhedha, ‘Gas vy dhe bysi dhiworthowgh, pub gour ahanowgh dhe ri dhymm bysow skovarn re gavas avel preydh.’ (Rag an eskerens a's tevo bysowyer skovarn a owr, drefenn i dhe vos Yshmaelysi.)

Breusysi 8:27

Gideon a wrug efod anodho hag a'n gorras yn y dre, yn Ofra; hag oll Ysrael a farya avel horys ena, hag ev o gyllys antell dhe Gideon ha dh'y deylu.