Ezekiel 7:2 - An Bibel Kernewek 20234 (Kernewek Kemmyn)

² Ha ty, A vab den, yndellma y lever an Arloedh Duw dhe bow Ysrael: Diwedh! an diwedh a dheuth war beswar korn an tir.

Ezekiel 7:2 ပူးပေါင်းရင်းမြစ်များ

Jenesis 6:13

Hag yn-medh Duw dhe Noy, ‘Yma diwedh dhe bub kig devedhys a-ragov, rag lenwys dredha gans garowder yw an nor, hag awotta, my a vynn aga distrui gans an nor.

2 Kroniklys 34:7

ev a dorras dhe'n dor an alteryow, hag a vrewis an Asherim ha'n imajys gravys dhe bolter hag a dhistruis oll an alteryow ynkys der oll pow Ysrael. Ena ev a dhehwelis dhe Yerusalem.

Ysay 47:7

Ty a leveris, ‘My a vydh mestres bys vykken.’ Ny withsys an taklow ma y'th kolonn, na perthi kov a'ga diwedh.

Yeremia 12:4

Pes termyn y hwra an tir dhesygha, ha'n gwels a bub mes gwedhra, rag drogedh an re usi trigys ynno? An bestes yw distruys, ha'n ydhyn; drefenn tus dhe leverel, ‘Ny wel ev agan diwedh ni.’

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Yeremia 51:13

Ty neb usi trigys ryb dowrow meur, gans palster a dresoryow, dha dhiwedh yw devedhys, musur dha vewnans yw treghys.

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Kynvannow 4:18

I a holyas war agan lergh bys ma na yllyn kerdhes yn agan stretys; yth esa agan diwedh ow tos nes, kowlwrys veu agan dydhyow, rag agan diwedh re dhothya.

Ezekiel 11:13

Lemmyn pan esen vy ow profoesa, Pelatia mab Benaya a verwis. Ena my a goedhas war ow fas ha kria gans lev ughel, ha leverel, ‘Ogh Arloedh Duw! A vynnydh dhiswul remenant Ysrael?’

Ezekiel 12:22

Mab den, Pandr'yw an henlavar ma a'gas beus a-dro dhe bow Ysrael, ‘An dydhyow a hirha, ha pub gwelesigeth a dhe goll’?

Ezekiel 21:2

Mab den, sett dha fas troha Yerusalem; pregoth erbynn an sentris, ha profoes erbynn pow Ysrael,

Ezekiel 21:25

Ha ty pennsevik Ysrael, tebelwas ansans, may teuth y dhydh, termyn y gessydhyans finek,

Ezekiel 21:4

Drefenn my dhe dreghi dhiworthis an den gwiryon ha'n tebelwas, gogledh.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Ezekiel 35:5

Drefenn bos dhis eskarogeth bythkwethek, ha ty re dhelivras mebyon Ysrael dhe nerth an kledha yn termyn aga therroes, yn termyn aga hessydhyans finek,

Ezekiel 40:2

Ev a'm dros, yn gwelesigethow a Dhuw, dhe bow Ysrael, ha'm settya war venydh pur ughel, may feu warnodho neppyth haval dhe sita a-dhyghowbarth.

Ezekiel 7:1

Ger an Arloedh a dheuth dhymm, ow leverel:

Ezekiel 7:3

Lemmyn an diwedh yw devedhys warnas ha my re dhannvonas ow sorr er dha bynn; ha my a'th vreus war-lergh dha fordhow, ha dha gessydhya rag oll dha daklow kasadow.

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Amos 8:2

Hag ev a leveris, ‘Pandr'a welydh, Amos?’ Hag yn-medhav, ‘Kanstellas a frut an hav.’ Ena an Arloedh a leveris dhymm: Devedhys yw gorfenn ow fobel Ysrael; ny wrav aga sparya namoy.

Matthew 24:6

Hwi a glewvydh a vreselyow ha son a vreselyow; gwaytyewgh na gemmerrowgh own, rag res yw henna dhe hwarvos, mes ny vydh hwath an diwedh.

Dewteronomi 32:20

Ev a leveris, My a gudh ow fas dhiworta, ha my a wel pandr'a vydh aga diwedh; rag yth yns i henedh gorth, mebyon heb lelder ynna.

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.

Diskwedhyans 20:8

Hag ev a wra mos yn-mes dhe doella an kenedhlow usi yn peswar sorn an norvys, Gog ha Magog, rag aga huntell war-barth dhe'n gas; ha'ga niver yw kepar ha tewes an mor.

Diskwedhyans 7:1

Ha wosa hemma, my a welas peswar el ow sevel war an peswar korn a'n norvys, ow synsi peswar gwyns an norvys ma na hwyttha gwyns war an dor na war an mor, na war wydhenn vyth.