Ezekiel 7:18 - An Bibel Kernewek 20234 (Kernewek Kemmyn)

¹⁸ I a wisk yskar, ha kren a's kudh. Meth a vydh dhe bub fas, ha moelder war oll aga fennow.

Ezekiel 7:18 ပူးပေါင်းရင်းမြစ်များ

Jenesis 15:12

Ha pan esa an howl ow sedhi, kosk down a goedhas war Abram, hag awotta, euth, tewolgow bras, a goedhas warnodho.

Job 21:6

Pan borthav kov a hemma, euthegys ov, ha kren a ses ow hig.

Salmow 35:26

Perthens i meth ha bedhens i shyndys war-barth neb a lowenha y'm happ drog; bedhens i gwiskys yn meth ha despit neb a voghha aga honan er ow fynn.

Ysay 3:24

Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 48:37

Rag pub penn a vydh moel ha pub barv treghys dhe-ves; war bub leuv y fydh skwardyow, hag yskar war an klunyow.

Yeremia 6:25

Na ge yn-mes dhe'n gwel; na kerdhes war an fordh; rag yma kledha dhe'n eskar, hag euth a bub tu.’

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Ezekiel 27:31

I a omvoelha ragos hag omwrogysa gans yskar. I a oel warnas yn hwerowder enev, gans kynvann hwerow.

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.