Ezekiel 7:13 - An Bibel Kernewek 20234 (Kernewek Kemmyn)

¹³ Rag ny wra an prener pe dhe'n gwerther, hedre vons aga dew hwath yn few; rag ny vydh an welesigeth erbynn an routh daskelwys. Drefenn y anewnder, ny yll nagonan gwitha y vewnans.

Ezekiel 7:13 ပူးပေါင်းရင်းမြစ်များ

Ester 8:8

Ha hwi, skrifewgh ynwedh a-dro dhe'n Yedhewon, dell bleg dhywgh, yn hanow an myghtern, ha'y selya gans bysow an myghtern: rag skrif skrifys yn hanow an myghtern, ha selys gans bysow an myghtern, ny yll bos daskelwys.’

Job 15:25

rag ev re ystynnas y leuv erbynn Duw, ha krevhe y honan erbynn an Ollgalloesek,

Salmow 52:7

‘Ottomma an gour na wrug Duw y skovva, mes ev a drestyas yn y rychys meur, ha hwilas skovva yn y sherewneth.’

Ekklesiastes 8:8

Par dell nag eus dhe dhenvyth galloes war an gwyns dh'y dempra, yndella nyns eus dhe dhenvyth galloes war dhydh y vernans. Par dell ny yll souder bos relessys yn termyn an gas, yndella ny yll drog sawya an dhrogoberoryon.

Ezekiel 12:25

Mes my, an Arloedh, a gews an pyth a gowsav hag ev a hwyrvydh. Ny vydh delatys na fella; mes yn agas dydhyow, a ji diwostydh, my a gews an ger ha'y gowlwul, yn-medh an Arloedh Duw.

Ezekiel 12:28

Rakhenna lavar dhedha, Yndellma y lever an Arloedh Duw: Ny vydh delatys na fella nagonan a'm geryow; an ger a gowsav a vydh gwrys, yn-medh an Arloedh Duw.

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Levitikus 25:13

Yn blydhen ma an yubile, pub den ahanowgh a dhehwel dh'y berghennogeth.

Levitikus 25:31

Mes chiow yn godrevow heb fosow a-dro dhedha a vydh reknys avel gwelyow an pow. I a yll bos dasprenys hag i a vydh livrys y'n yubile.