Ezekiel 7:11 - An Bibel Kernewek 20234 (Kernewek Kemmyn)

¹¹ Freudh re devis avel gwelenn a sherewynsi; ny vydh gesys nagonan anedha, nagonan a'ga routh, na travyth a'ga golusogneth, na travyth a bris ynna.

Ezekiel 7:11 ပူးပေါင်းရင်းမြစ်များ

Salmow 125:3

Rag ny wra gwelenn an tebelwas powes war ranndir an re wiryon, ma na worro an re wiryon aga diwleuv dhe sherewneth.

Salmow 73:8

I a wra ges, ha kewsel yn spitus; i a wodros arwask, ughel aga fenn.

Salmow 78:64

Aga oferysi a veu ledhys gans an kledha, ha ny gynis aga gwedhwesow.

Ysay 14:29

Na lowenha, Filistia, ty oll, drefenn bos dralys an welenn a'th weskis; rag dhiworth gwreydhenn an sarf y teu nader, ha'y frut a vydh sarf askellek.

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Yeremia 22:18

Ytho, yndellma y lever an Arloedh a-dro dhe Yehoyakim mab Yosia myghtern Yuda: Ny alarons ragdho, ow leverel, ‘Ogh ow broder!’ po ‘Ogh ow hwoer!’ Ny alarons ragdho, ow leverel, ‘Ogh arloedh!’ po, ‘Ogh y veuredh!’

Yeremia 25:33

An re ledhys gans an Arloedh a vydh y'n jydh na a'n eyl penn an nor bys y'n penn arall. Ny vydh kynvann ragdha, ha ny vydhons kuntellys na ynkleudhys; i a vydh kawgh war enep an nor.

Yeremia 6:7

Dell wra puth gwitha y dowrow govynn, yndellma hi a gwith yr hy thebelwrians: freudh ha diswrians yw klewys ynni; yma galar ha goliow prest a-ragov.

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Ezekiel 45:9

Yndellma y lever an Arloedh Duw: Lowr yw, a bennsevigyon Ysrael! Hepkorrewgh garowder ha ravna, ha gwrewgh gwirvreus hag ewnder; na wrewgh tewlel ow fobel yn-mes a'ga ferghennogeth na fella, yn-medh an Arloedh Duw.

Ezekiel 5:11

Rakhenna, dell vewav, yn-medh an Arloedh Duw, drefenn ty dhe dhefola ow sentri gans oll dha daklow vil ha gans oll dha daklow kasadow, ytho my a'th tivarv; ow lagas ny gemmer pita, hag ynwedh ny gemmerav truedh.

Ezekiel 5:4

Ena kemmer moy anedha ha'ga tewlel yn kres an tan, ha'ga leski y'n tan. Alena tan a yn-mes dhe oll chi Ysrael.

Ezekiel 6:11

Yndellma y lever an Arloedh Duw: Tak dha dhiwla ha stank dha droes, ha lavar, Ellas rag oll an taklow kasadow vil a ji Ysrael, rag i a goedh der an kledha, dre dhivoetter, ha dre blag.

Ezekiel 7:16

Peub yw gesys a skap, hag i a vydh y'n menydhyow kepar ha kelemmi an nansow, i oll owth hanasa, peub yn y anewnder.

Ezekiel 7:2

Ha ty, A vab den, yndellma y lever an Arloedh Duw dhe bow Ysrael: Diwedh! an diwedh a dheuth war beswar korn an tir.

Ezekiel 7:23

Gwra an kadon, rag an tir yw leun a skoellya goes, ha'n sita yw leun a freudh.

Ezekiel 8:17

Ena yn-medh ev dhymm, ‘A welsys, mab den? Yw ev tra drufel rag chi Yuda, i dhe wul an taklow vil re wrussons omma? Rag i re lenwis an tir a freudh, ha'm serri hwath moy. Ottensi ow korra skorrenn dh'aga throen.

Amos 3:10

Ny wodhons fara ewn, yn-medh an Arloedh, an re a guntell yn aga falesyow preydh aga garowder ha ladrans.

Amos 6:3

A hwi a vynn delatya an drog dhydh, mes hwi a dhre ogas an esedhva a arowder!

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Mika 3:3

neb a dheber kig ow fobel, ha pilya aga kroghen dhiworta, ha terri aga eskern yn temmigow ha'ga nadha avel kig yn chek, avel kig yn kalter.

Mika 6:12

Tus rych an sita yw leun a freudh; hag yma hy thrigoryon ow kowleverel, ha'ga thaves yw fekyl yn aga ganow.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.