Ezekiel 6:8 - An Bibel Kernewek 20234 (Kernewek Kemmyn)

⁸ Mes my a as remenant; re ahanowgh a skap an kledha yn mysk an kenedhlow, pan vydhowgh skattrys y'n gwlaskordhow.

Ezekiel 6:8 ပူးပေါင်းရင်းမြစ်များ

Nehemia 1:8

Porth kov, my a'th pys, a'n ger a erghsys dhe'th was Moyses, ow leverel, “Mar pydhowgh dislel, my a'gas skatter a-les yn mysk an kenedhlow;

Ysay 6:13

Ha kyn fo an degves rann gesys ynno, y fydh leskys arta, kepar ha terebinthenn po derwenn a as kyf pan yw treghys dhe'n dor.’ An has sans yw hy hyf.

Yeremia 30:11

Rag yth esov genes, yn-medh an Arloedh, dhe'th selwel; my a wra leun dhiwedh dhe'n kenedhlow oll le ma'th skattris, mes ny wrav leun dhiwedh ahanas. My a'th keredh yn musur ewn, ha ny'th asav yn tien ankessydhys.

Yeremia 44:14

ny wra nagonan a remenant Yuda, yw gyllys dhe driga yn pow Ejyp, diank na skapya dhe dhehweles dhe bow Yuda dhe driga ena; kyn hwansons dehweles dhe driga ena, ny dhehwelons, marnas nebes fowesigyon.

Yeremia 44:28

Ha'n re a dhienk a'n kledha a dhehwel yn-mes a bow Ejyp dhe bow Yuda, boghes aga niver; hag oll remenant Yuda, yw gyllys dhe driga yn pow Ejyp, a wra godhvos pyneyl yw an ger a sev, ow ger vy po aga ger i.

Yeremia 46:28

Ha ty, na vydh ownek, ow gwas Yakob, yn-medh an Arloedh, rag yth esov genes. My a wra diwedh dhe oll an kenedhlow le ma'th skattris, mes ny wrav dha leun dhistrui. My a'th kessydh yn ewn musur, mes ny wrav dha asa heb kessydhyans yn tien.

Ezekiel 12:16

Mes my a spar dhiworta nebes anedha dhiworth an kledha, dhiworth divoetter, ha dhiworth pla, rag may teriffons aga thaklow kasadow y'n kenedhlow a dhons di. Ena i a woer my dhe vos an Arloedh.

Ezekiel 14:22

Mes otta, y fydh remenant gesys, mebyon ha myrghes a vydh dres dhe-ves. I a dheu dhe-ves dhywgh, ha hwi a wel aga fordh ha'ga gwriansow; ha hwi a vydh konfortys a-dro dhe'n dregynn a dhres vy war Yerusalem, pup-tra a dhres vy warnedhi.

Ezekiel 5:10

Rakhenna tasow a dheber mebyon a-berth ynnos, ha mebyon a dheber aga thasow; ha my a wra breusow ynnos, ha skattra oll an remenant ahanas dhe oll an gwynsow.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Ezekiel 5:2

Ty a worr tressa rann anodho yn tan yn kres an sita, wosa bos gorfennys dydhyow an esedhva; ha kemmer tressa rann ha gwask gans an kledha a-dro dhe'n sita; ha tressa rann a skattrydh dhe'n gwyns, ha my a denn an kledha war aga lergh.

Ezekiel 6:7

An re ledhys a goedh yn agas mysk, ha hwi a woer my dhe vos an Arloedh.

Ezekiel 7:16

Peub yw gesys a skap, hag i a vydh y'n menydhyow kepar ha kelemmi an nansow, i oll owth hanasa, peub yn y anewnder.

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Romanyon 9:27

Hag Ysay a gri yn ughel a-dro dhe Ysrael, ‘Mara pydh niver mebyon Ysrael avel tewes an mor, an remenant a vydh selwys;