Ezekiel 6:3 - An Bibel Kernewek 20234 (Kernewek Kemmyn)

³ ha lavar, Menydhyow Ysrael, goslowewgh ger an Arloedh Duw. Yndellma y lever an Arloedh Duw dhe'n menydhyow ha dhe'n brennow, dhe'n goverow ha dhe'n nansow, Awottavy ow tri warnowgh kledha, ha my a dhistru agas tylleryow ughel.

Ezekiel 6:3 ပူးပေါင်းရင်းမြစ်များ

1 Myghternedh 14:23

Rag i a dhrehevis dh'aga honan ynwedh tylleryow ughel, peulveyn hag Asherim war bub bre ughel hag yn-dann bub gwydhenn las;

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Ysay 30:25

War bub menydh ughel ha pub bre ughel y fydh goverow ow resek gans dowr, yn dydh an ladhva vras pan goedh an touryow.

Yeremia 2:20

Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 22:29

A dor, dor, dor, klew ger an Arloedh.

Yeremia 3:23

Yn hwir euver yw toell an breow, ha tervans an menydhyow: yn hwir y'n Arloedh agan Duw yma selwyans Ysrael.

Yeremia 3:6

An Arloedh a leveris dhymm ynwedh yn dydhyow Yosia an myghtern: A welsys an taklow dislel a wrug Ysrael? Hi yw yskynnys war bub menydh ughel hag yn-dann bub wydhenn las, hag ena hi re horyas.

Ezekiel 36:8

Mes hwi, menydhyow Ysrael, hwi a ystynn agas skorrow ha doen agas froeth rag ow fobel Ysrael, rag i a dheu dhe-dre yn skon.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Amos 7:9

Tylleryow ughel Ysak a vydh forsakys, ha sentris Ysrael a vydh difeythys ha my a sev erbynn chi Yeroboam gans an kledha.

Mika 6:1

Goslowewgh orth an pyth a lever an Arloedh: Sav yn-bann, pled dha gen a-rag an menydhyow, ha gas dhe'n breow klewes dha lev.

Mika 6:2

Klewyewgh, hwi venydhyow, breus an Arloedh, ha hwi selyow krev an bys; rag an Arloedh a'n jeves ken erbynn y bobel ha strivya a wra gans Ysrael.