Ezekiel 6:13 - An Bibel Kernewek 20234 (Kernewek Kemmyn)

¹³ Ena hwi a woer my dhe vos an Arloedh, pan vydh aga re ledhys yn mysk aga idolys a-dro dh'aga alteryow, war bub bronn ughel, war oll pennow an menydhyow, hag yn-dann bub gwydhenn las, hag yn-dann bub terebinthenn dhelyek, le may rosons ena sawer plegadow dhe oll aga idolys.

Ezekiel 6:13 ပူးပေါင်းရင်းမြစ်များ

1 Myghternedh 14:23

Rag i a dhrehevis dh'aga honan ynwedh tylleryow ughel, peulveyn hag Asherim war bub bre ughel hag yn-dann bub gwydhenn las;

2 Myghternedh 16:4

Hag ev a sakrifia ha leski offrynnow y'n tylleryow ughel, ha war an breow, hag yn-dann bub gwydhenn las.

Ysay 1:29

Rag i a vydh methek a'n derow re dhesirsowgh; hag i a vydh shamys dre'n lowarthyow re dhewissowgh.

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ysay 66:17

An re a omsaker hag omlanhe dhe vos bys y'n lowarthyow, ow siwya nebonan y'n kres, ow tybri kig an mogh, ha'n dra gasadow, ha'n logosenn, a dheu dhe dhiwedh war-barth, yn-medh an Arloedh.

Yeremia 13:27

My re welas dha avoutri, ha'th kryghias, avlander dha horyans, dha daklow kasadow war an breow y'n gwel. Go-jy, A Yerusalem! Pes termyn kyns dha vos glan?

Yeremia 2:20

Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 3:6

An Arloedh a leveris dhymm ynwedh yn dydhyow Yosia an myghtern: A welsys an taklow dislel a wrug Ysrael? Hi yw yskynnys war bub menydh ughel hag yn-dann bub wydhenn las, hag ena hi re horyas.

Ezekiel 18:6

mar ny dheber war an menydhyow, na drehevel y dhewlagas dhe idolys chi Ysrael, na defola gwreg y gentrevek, na dos nes dhe wreg yn hy amseryow,

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Ezekiel 23:41

Ty a esedhas war weli splann, gans moes pareusys a-ragdho may settsys warnedhi ow ynkys ha'm olew.

Ezekiel 43:7

Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Hosea 4:13

War benn an menydhyow y sakrifions, ha war an bronnow y leskons offrynnow, yn-dann dherwenn, hag edhlenn wynn, ha terebinthenn, drefenn bos da aga skeus. Ytho agas myrghes a wra fornikasyon, ha'gas gohydhow a wra avoutri.

Sefania 1:10

Hag y'n jydh na, yn-medh an Arloedh, y fydh son a gri dhiworth Yet an Puskes, hag oulyans dhiworth an Nessa Kwartron, ha son bras an terroes dhiworth an breow.