Ezekiel 6:11 - An Bibel Kernewek 20234 (Kernewek Kemmyn)

¹¹ Yndellma y lever an Arloedh Duw: Tak dha dhiwla ha stank dha droes, ha lavar, Ellas rag oll an taklow kasadow vil a ji Ysrael, rag i a goedh der an kledha, dre dhivoetter, ha dre blag.

Ezekiel 6:11 ပူးပေါင်းရင်းမြစ်များ

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 24:10

Ha my a dhannvon an kledha, divoetter, ha'n pla yntredhon, bys pan vydhons distruys yn tien a'n tir a res dhedha ha dh'aga thasow.

Yeremia 30:7

Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Yeremia 42:22

Godhvydhewgh ytho yn ta, hwi a verow gans an kledha, gans an divoetter ha gans an pla y'n tyller may fynnowgh mos ha triga.’

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Ezekiel 21:19

Ty, A vab den, gwra ragos dha honan diw fordh rag kledha myghtern Babylon dhe dhos warnedha, aga diw ow tos yn-mes a'n keth pow; gwra post-arwoedh ha'y settya orth penn an fordh dhe'n sita.

Ezekiel 25:6

Rag yndellma y lever an Arloedh Duw: Drefenn ty dhe dakya diwleuv ha stankya treys, ow lowenhe gans oll an atti y'th enev erbynn pow Ysrael,

Ezekiel 33:27

Yndellma y leverydh dhedha, Yndellma y lever an Arloedh: Dell vewav, an re trigys y'n magoryow a goedh der an kledha; ha neb eus y'n gwel a rov dhe'n bestes dhe vos dybrys; ha'n re usi yn skonsow hag yn fowys a verow der an pla.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Ezekiel 6:10

Hag i a woer my dhe vos an Arloedh; ny gewsis yn euver my dhe wul dhedha an terroes ma.

Ezekiel 7:12

An termyn re dheuth, devedhys yw an jydh. Na lowenhes an prener, ha na wres an gwerther kyni, rag yma sorr war oll an routh anedha.

Ezekiel 7:15

An kledha a-ves, ha'n plag ha'n divoetter a-ji: neb eus y'n gwel a verow der an kledha, ha neb eus y'n sita, divoetter ha plag a'n deber.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

Amos 5:16

Rakhenna yndellma y lever an Arloedh, Duw an luyow, an Arloedh: Yn plenys oll y fydh oelva, hag y'n stretys oll i a lever ‘Ellas, ellas!’ Gelwel a wrons an tiek dhe gynvann, ha dhe oelva an re a woer kyni.

Niverow 24:10

Ha sorr Balak a dhewis erbynn Balaam, hag ev a weskis y dhiwdhorn war-barth; ha Balak a leveris dhe Balaam, ‘My a'th elwis dhe vollethi ow eskerens, hag otta, ty re's bennigas an teyr gweyth ma.

Diskwedhyans 18:10

I a sev a-bell der own a'y fayn, ow leverel, ‘Tru, tru, an sita vras, Babylon, an sita grev! rag yn unn our re dheuth dha vreus.’