Ezekiel 5:6 - An Bibel Kernewek 20234 (Kernewek Kemmyn)

⁶ Mes hi re rebellyas erbynn ow breusow moy ages sherewynsi an kenedhlow, hag erbynn ow ordenansow moy ages an gwlasow usi a-dro dhedhi; rag i re dhenaghas ow breusow ha ny gerdhsons y'm ordenansow.

Ezekiel 5:6 ပူးပေါင်းရင်းမြစ်များ

2 Myghternedh 21:11

‘Drefenn Manasse, myghtern Yuda, dhe wul an taklow kasadow ma, ha dhe wul taklow gweth ages pup-tra a wrug an Amorysi esa kyns, ha gul dhe Yuda pegha ynwedh gans y idolys,

2 Myghternedh 21:9

Mes ny woslowsons; Manasse a's kammledyas may hwrussons moy drog ages an kenedhlow a dhistruis an Arloedh a-dherag tus Ysrael.

Nehemia 9:34

Ny withas agan tasow, agan myghternedh, agan hembrenkysi ha'gan oferysi dha lagha, na woslowsons orth dha worhemmynnow ha'th warnyansow a resys dhedha.

Nehemia 9:35

Hwath yn aga gwlaskor aga honan, hag y'th tader bras a resys dhedha y'n tir efan ha feyth, ny'th servsons na ny dreylsons dhiworth aga drog weythresow.

Salmow 106:20

Ytho i a dreylyas aga gordhyans dhe hevelep ojyon ow tybri gwels.

Salmow 78:10

Ny synsons kevambos Duw, mes i a skonyas a gerdhes yn y lagha ev;

Eksodus 16:28

Ha'n Arloedh a leveris dhe Moyses, ‘Pygemmys prys y neghowgh gwitha ow gorhemmynnow hag ow laghys?

Yeremia 11:10

I re dreylyas war-dhelergh dhe dhrogober aga hendasow, a naghas klewes ow geryow; hag i eth war-lergh duwow erell dh'aga servya; chi Ysrael ha chi Yuda re dorras ow hevambos hag a wrug vy gans aga thasow.

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Yeremia 8:5

Ytho prag y hwrug an bobel ma, Yerusalem, treylya yn kildennans pup-prys? I a syns fast dhe doell, i a nagh dehweles.

Yeremia 9:6

Hys-ha-hys toell war doell, i a nagh ow aswonn, yn-medh an Arloedh.

Ezekiel 11:12

Ena hwi a woer my dhe vos an Arloedh; rag ny gerdhsowgh y'm ordenansow, na ny wrussowgh ow breusow, mes hwi re wrug war-lergh breusow an kenedhlow esons a-dro dhywgh.’

Ezekiel 16:51

Samaria ny wrug hanter dha beghosow; ty re lieshas dha daklow kasadow moy agessa i. Ty re wrug dhe'th hwerydh bos ewnhynsek aga semlans gans oll dha daklow kasadow a wrussys.

Daniel 9:15

‘Ha lemmyn, A Arloedh agan Duw, neb re hembronkas dha bobel yn-mes a bow Ejyp dre leuv grev, hag a wrug dhe'th hanow bos gerys-da avel y'n jydh hedhyw, pegha re wrussyn, ha gul yn trog.

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Daniel 9:8

Dhyn ni, A Arloedh, yma meth a'n fas, dh'agan myghternedh, dh'agan prynsys ha dh'agan tasow, drefenn ni dhe begha er dha bynn.

Zekaria 7:11

Mes i a skonyas a woslowes; i a dreylyas aga skoedh yn hworth ha stoppya aga skovornow a glewes.

1 Korinthianys 5:1

Yn tevri, derivys yw bos fornikasyon yn agas mysk, fornikasyon nag yw kevys y bar yn mysk jentilys; henn yw, yma gour ow kesvewa gans gwreg y das.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.